ԻՆՉ Է ՆԱԽԱՁԵՌՆՈՒՄ ԿԱՌԱՎԱՐՈՒԹՅՈՒՆԸ ՓՈՔՐ ԵՎ ՄԻՋԻՆ ԲԻԶՆԵՍԻ ՀԱՐՑՈՎ

ԻՆՉ Է ՆԱԽԱՁԵՌՆՈՒՄ ԿԱՌԱՎԱՐՈՒԹՅՈՒՆԸ ՓՈՔՐ ԵՎ ՄԻՋԻՆ ԲԻԶՆԵՍԻ ՀԱՐՑՈՎ

Կառավարությունում վերջերս կայացած խորհրդակցության ընթացքում վարչապետ Հովիկ Աբրահամյանը անդրադառնալով երկրում փոքր եւ միջին բիզնեսի զարգացմանը` մասնավորապես նշել էր. ՙՄենք սկսելու ենք մի նոր գործընթաց եւ մեր ապագա կառավարության, երկրի նախագահի եւ բոլորիս ցանկությունն է, որպեսզի փոքր եւ միջին բիզնեսի համար ստեղծենք շատ բարենպաստ պայմաններ եւ բարենպաստ հարկային դաշտ...՚: Սա փոքր եւ միջին ձեռնարկատիրությանն աջակցության մասին վերջին օրերին հնչող միակ հայտարարությունը չէ: Ավելինª կան խոսակցություններ, որ համապատասխան ծրագրեր են ներառվում նաեւ կառավարության նոր ծրագրում, որն առաջիկայում կներկայացվի ԱԺ-ին: Թե հատկապես ինչ է արվելու այդ ուղղությամբ, փորձեցինք մեկնաբանություն ստանալ կառավարության աշխատակազմի ղեկավար-նախարար ԴԱՎԻԹ ՀԱՐՈՒԹՅՈՒՆՅԱՆԻՑ, որն ասաց.
-Շատ բազմակողմ խնդիր է, որպեսզի կարողանամ ուղղակի հակիրճ ներկայացնել: Սակայն այդ նպատակը կա եւ այն ենթադրում է մի շարք խնդիրների լուծում: Սկսած հարկային դաշտից ¥հատկապես, երբ խոսքը վերաբերում է միկրոբիզնեսին¤ եւ վերջացրած լիցենզավորման գործընթացների վերանայման, պարզեցման հարցերով: Կան բազմաթիվ այլ դրույթներ եւս, որոնց վերաբերյալ մենք կարտահայտենք մեր դիրքորոշումը: Ասենքª տեսչական ստուգումների հետ կապված եւ այլն:
- Այսինքն, Դուք եւս այն կարծիքին եք, որ փոքր եւ միջին բիզնեսը Հայաստանում չի զարգանում, եւ պետք են արմատական քայլե±ր:
- Իհարկե: Ավելին, չեմ կարծում, որ որեւէ ողջամիտ մարդ այդպես չի գտնում:

ԻԼՈՆԱ ԱԶԱՐՅԱՆ