ՈՍՏԻԿԱՆԸ ՖԻԶԻԿԱԿԱՆ ԲՌՆՈՒԹՅՈՒՆ Է ԳՈՐԾԱԴՐԵԼ

ՈՍՏԻԿԱՆԸ ՖԻԶԻԿԱԿԱՆ ԲՌՆՈՒԹՅՈՒՆ Է ԳՈՐԾԱԴՐԵԼ

Երեկ ՀՔԾ-ում տեղեկություններ կորզելու նպատակով` ոստիկանների կողմից Գավառի գյուղերից մեկի բնակչի նկատմամբ ֆիզիկական ու հոգեբանական բռնություն գործադրելու փաստի առթիվ հարուցվել է քրեական գործ: Այս մասին տեղեկացանք ՀՔԾ մամուլի պատասխանատու Միքայել Ահարոնյանից. ՙՔրեական գործը հարուցվել է քաղաքացի Կ. Ռ.-ի հաղորդման հիման վրա: Ըստ հաղորդման` Գավառի բաժնում ոստիկանները գյուղերից մեկի բնակիչ Ա. Ա.-ի մարմնական վնասվածքներ ստանալու դեպքի վերաբերյալ տեղեկություններ կորզելու նպատակով հոգեբանական եւ ֆիզիկական բռնություն են գործադրել Կ. Ռ.-ի նկատմամբ՚:

ԻԼՈՆԱ ԱԶԱՐՅԱՆ


ՈՍԿՈՎ ԼԻ ՈՒՍԱՊԱՐԿԵՐ

Ապրիլի 28-ի գիշերը Սոթքի ոսկու հանք էին այցելել հանքի անվտանգության ծառայության աշխատակիցներին անծանոթ երեք քաղաքացիներ: Ոստիկանների օպերատիվ խումբը հանքի վարչական տարածքում հայտնաբերել էր 1972 թ. ծնված Վախթանգ Լ.-ին, 1964 թ. ծնված Արմեն Ղ.-ին եւ 1975 թ. ծնված Գառնիկ Մ.-ին եւ... 29 կգ հանքաքարերով լի 2 ուսապարկ:


ԴԱՆԱԿԱՀԱՐՈՒԹՅՈՒՆ

ՙԿրծքավանդակի հետին պատի բազմաթիվ կտրած-ծակած վերքեր՚ ախտորոշմամբ 40-ամյա Արտակ Ա.-ն եւ ՙԿրծքավանդակի աջ կեսի 1-ին մակերեսի կտրած-ծակած վերք՚ ախտորոշմամբ` 34-ամյա Նաիրի Մ.-ն հայտնվել էին հիվանդանոցում միաժամանակª ապրիլի 28-ին, ժամը 03-ին: Ըստ հիվանդներիª դրանից մեկ ժամ առաջ  նրանք գիշերային հանդիպում էին ունեցել  Մ. Ավետիսյան փողոցում գտնվող դպրոցի մոտ` դանակներով զինված անհայտ անձանց հետ: ՙԱնհայտները՚ արագ հայտնաբերվել էին. ոստիկանություն բերման էր ենթարկվել 36-ամյա Կարեն Մ.-ն, ով եւ, ըստ իրավապահների, դանակահարել էր Արտակ Ա.-ին եւ Նաիրի Մ.-ին: Ձեռնարկվում են միջոցառումներ` հանցագործության գործիք հանդիսացած 1 դանակը հայտնաբերելու ուղղությամբ: