ՙՆՈՐ ԿԱՌԱՎԱՐՈՒԹՅՈՒՆԸ ԵՎՍ ԻՆՏԵՆՍԻՎՈՐԵՆ ԱՇԽԱՏՈՒՄ Է ՄՄ-ԻՆ ԱՆԴԱՄԱԿՑԵԼՈՒ ՈՒՂՂՈՒԹՅԱՄԲ՚

ՙՆՈՐ ԿԱՌԱՎԱՐՈՒԹՅՈՒՆԸ ԵՎՍ ԻՆՏԵՆՍԻՎՈՐԵՆ
ԱՇԽԱՏՈՒՄ Է ՄՄ-ԻՆ ԱՆԴԱՄԱԿՑԵԼՈՒ ՈՒՂՂՈՒԹՅԱՄԲ՚

Վերջին ժամանակներս տարաբնույթ խոսակցություններ են պտտվում Հայաստանի` Մաքսային միությանն անդամագրվելու շուրջ: Ուստիեւª փորձեցիք ԱԺ արտաքին հանձնաժողովի նախագահ ԱՐՏԱԿ ԶԱՔԱՐՅԱՆԻՑ հետաքրքրվել, թե ինչ ընթացքի մեջ է վերոնշյալ գործընթացը: Պարոն Զաքարյանի խոսքով.
-Գործընթացը դեռեւս շարունակվում է, եւ բոլոր աշխատանքային խմբերն գործում են գոյություն ունեցող բոլոր խնդիրները համաձայնեցնելու ուղղությամբ: Մենք ամբողջությամբ գտնվում ենք Մաքսային միությանը անդամակցելու ՙճանապարհային քարտեզով՚ ժամանակացույցի մեջ եւ այստեղ ինչ-որ խնդիրներ, մեծ հաշվով չկան:
- Ինչ փուլում է գործընթացը:
- Հիմա պատրաստվում է հիմնական փաստաթուղթը, որը որ կներկայացվի ստորագրման, դրանից հետո արդեն կանցնենք ներպետական բոլոր գործընթացներին:
- Այսինքն` այն խոսակցությունները, ըստ որոնց հնարավոր է` հետաձգվի Հայաստանի` ՄՄ-ին անդամակցելու գործընթացը, իրականությանը չեն համապատասխանում:
- Աշխատանքային քննարկումների ընթացքում հնարավոր են որոշակի խնդիրներ, սակայն դա որեւէ քաղաքական կամ այլ ծրագրային նշանակություն, հիմքեր չունեն: Այսինքն, եթե լինեն խնդիրներ, ապա դրանք կլինեն զուտ աշխատանքային գործընթացով պայմանավորված:
- Օրինակª աշխատանքային ինչպիսի խնդիրների հետ կարող ենք բախվել:
- Զուտ աշխատանքային կարգի:
- Երբ կդառանանք ՄՄ-ի լիարժեք անդամ:
- Հիմա ստույգ ժամկետներ դժվար է ասել: Դա կախված է նրանից, թե ստորագրման պահից հետո ներպետական գործընթացները ինչ արագություն եւ ինչ ընթացք կունենան: Այնուամենայնիվ նախատեսվում է, որ մինչեւ տարվա վերջ մենք պետք է անցած լինենք բոլոր ներպետական գործընթացները  եւ ամբողջովին պատրաստ լինենք Մաքսային միության անդամակցությանը:
- Իսկ նոր կառավարության հետ կապված հնարավոր է ինչ-որ բաներ փոխվեն:
- Հայաստանի արտաքին քաղաքական մոտեցումները նոր կառավարության հետ չեն փոփոխվել: Դրանք մնում են նույնը եւ այդ ուղղությամբ նոր կառավարությունը եւս շարունակելու է ինտենսիվորեն աշխատել:

ԻԼՈՆԱ ԱԶԱՐՅԱՆ