ԱՆՊՏՂՈՒԹՅՈՒՆԸ ՆԱԵՎ ԳԻՏԵԼԻՔԻ ՊԱԿԱՍԻՑ Է

ԱՆՊՏՂՈՒԹՅՈՒՆԸ ՆԱԵՎ ԳԻՏԵԼԻՔԻ ՊԱԿԱՍԻՑ Է

Համաշխարհային առողջապահության կազմակերպությունը յուրաքանչյուր 20 տարին մեկ կատարում է հետազոտություն` աշխարհում անպտղության ցուցանիշները գնահատելու համար: Վերջերս նույնպես կատարվել է հետազոտություն,որի արդյունքները վկայում են, որ նախորդ տարիների համեմատ աշխարհում այդքան էլ չեն փոխվել անպտղության ցուցանիշները:Փոփոխություններ կան միայն կենտրոնական և արևելյան եվրոպայի երկներում, որտեղ աճել է երկրորդային անպտղությունը: Համաշախարհային առողջապահական կազմակերպության տվյալներով ամբողջ աշխարհում առաջնային և երկրորդային անպտղության ցուցանիշը հասնում է 15 տոկոսի, որը ՄԱԿ-ի Բնակչության հիմնադրամի հայաստանյան գրասենյակի գործադիր ներկայացուցիչ Գարիկ Հայրապետյանի խոսքով`արդեն ճգնաժամային ցուցանիշ է և կարող է ազդել ժողովրդագրության վրա: Ըստ պրն.Հայրապետյանի տվյալների`ամբողջ աշխարհում առաջնային անպտղությունը 1,9 տոկոս է, իսկ երկրորդայինը`10,5: Հարևան Վրաստանում անպտղության ցուցանիշների վերաբերյալ չկան վստահելի տվյալներ, քանի որ վերջին 20 տարիների ընթացքում այստեղ նման հետազոտություն չի անցկացվել,իսկ Ադրբեջանում մոտ 400 հազար մարդ է տառապում անպտղությամբ: Ինչ վերաբերվում է տարածաշրջանին, ապա 20 տարի անց , ընդհանուր առմամբ 2,7 տոկոսով ավելացել է անպտղության ցուցանիշը: Հայաստանում անպտղության ցուցանիշը մոտավորապես հասնում է 17 տոկոսի`առաջնային անպտղություն 5 , երկրորդային անպտղություն `12 տոկոս: Առաջնային անպտղության դեպքում տղամարդը կամ կինը ունենում են բնածին արատ, որի հետևանքով էլ չեն կարողանում երեխա ունենալ: Երկրորդային անպտղությունը հիմնականում ունի երկու պատճառ`հղիության անապահով արհեստական ընդհատում և սերավարակների տարածվածություն: «Յուրաքանչյուր երրորդ անպտուղ կին իր կյանքում կատարել է հղիության արհեստական ընդհատում ,որն էլ ապացուցում է, որ աբորտը ազդում է անպտղության վրա`հատկապես ոչ ապահով կատարված աբորտը:Կանանց մոտ առաջնային անպտղությունը երկու անգամ ցածր է քան տղամարդկանց մոտ,իսկ երկրորդայինը հավասար է:Սա նշանակում է, որ կանանց վերարտադրողական առողջությունը գնալով անկում է ապրում տարիների ընթացքում: Կանաց 60 և տղամարդկանց 40 տոկոսը անպտուղ են»,-նշում է ԳԱԳԻԿ ՀԱՅՐԱՊԵՏՅԱՆԸ և ընդգծում, որ Հայաստանում տարեկան տեղի է ունենում հղիության արհեստական ընդհատման 1500 դեպք` պայմանավորված սեռով: Երկրորդային անպտղությունը ինչպես Հայրապետյանն է փաստում` գիտելիքների պակասի հետևանք է, քանի որ բավարար գիտելիքների պարագայում անպտղության հիմնական երկու պատճառները հնարավոր է կանխարգելել: Հաճախ էլ հասանելի չեն այն տարրական ծայությունները , որոնք անհրաժեշտ են խնդիը լուծելու համար:Դրանցից Գագիկ Հայրապետյանը առանձնացրեց հակաբեղմնավորիչների անհասանելիությունը, դրանք բնակչության շրջանում այդքան էլ մատչելի չեն: Կա մեկ հանգամանք ևս` Հայաստանում բժշկի մոտ գնալու և հետազոտվելու կուլտուրան այդքան էլ զարգացած չէ,չնայած տարին երկու անգամ մանավանդ 40 անց մարդիկ պետք է անցնեն հետազոտություն: Անպտության ամենաբարձր ցուցանիշները գրանցվել են Երևանում ,Արմավիրի, Գեղարքունիքի և Շիրակի մարզերում:Վերջին երկու մարզում բարձր է նաև սեռավարակների տարածվածությունը,քանի որ միգրանտները այստեղի շատ են:Իսկ Արմավիրի մարզում անպտղության պատճառների վերաբերյալ ճշգրտումներ և հետազոտություններ դեռևս չկան:

ԶՎԱՐԹ ԽԱՉԱՏՐՅԱՆ