ԵՐԻՏԱՍԱՐԴՈՒԹՅԱՆ ՀԱՄԱՐ ԿԱՆՑԿԱՑՎԻ ՌՈՒՍԱՑ ԼԵԶՎԻ ԱՄԱՌԱՅԻՆ ԴՊՐՈՑ

ԵՐԻՏԱՍԱՐԴՈՒԹՅԱՆ ՀԱՄԱՐ ԿԱՆՑԿԱՑՎԻ ՌՈՒՍԱՑ ԼԵԶՎԻ ԱՄԱՌԱՅԻՆ ԴՊՐՈՑ

Հայաստանի անդամակցումը Մաքսային միությանն ու Միասնական տնտեսական տարածքին այսօր ամենաակտուալ թեմաներից են: Եվրասիական ինտեգրման տնտեսական ասպեկտների հետ միասին լայնորեն քննարկվում են նաև բարեկամ երկրների միջև մշակութա- հումանիտար համագործակցության հարցեր: Այն մասին, թե ինչ հասարակական նախաձեռնություններ են իրականացվում այս ուղղությամբ, ինչպես նաև դրանց նշանակության և զարգացման հեռանկարների մասին, զրուցեցինք  ԱՊՀ երկրների երիտասարդական միության ղեկավար Անդրանիկ Նիկողոսյանի հետ:

- Պարոն Նիկողոսյան, Ձեր կարծիքով ԱՊՀ երկրների երիտասարդական միության իրականացրած նախագծերից ո՞րոնք են ամենաարդիականը Հայաստանի բնակչության շրջանում:

- 2011 թվականից մենք Հայաստանում իրականացնում ենք մշակութային, հումանիտար, երիտասարդական և սպորտային նախագծեր: Այս ուղղությունների զարգացման անհրաժեշտությունն ընդհանուր առմամբ մնում է` չնայած ձեռք բերված արդյունքներին: Մեր նախաձեռնություններն ուղղված են ազգամշակութային ժառանգության, պատմական հիշողության և բարեկամ երկրների միջև ամուր հարաբերությունների պահպանմանն ու զարգացմանը: Երեք քաղաքներում գործող «Ռուսական Գրքի Տուն» մշակութային կենտրոնները հանդիսանում են միջազգային և տարածաշրջանային միջոցառումների անցկացման հրապարակներ: Այցելուների լսարանը մեծանում է, աճում է նաև ռուսաց լեզվի և մշակույթի նկատմամբ հետաքրքրությունը` որպես միջազգային շփման գործիքի: Անհնար է արդյունքների հասնել առանց մշտական փոխգործակցության, շփման և փորձի փոխանակման: Այսօր դժվար է գերագնահատել ռուսաց լեզվի իմացությունը, որի օժանդակմանը Հայաստանում  նախկինում շատ քիչ ուշադրություն էր դարձվում:

-ԱՊՀ երկրների երիտասարդական միության նախաձեռնած Ռուսաց լեզվի ուսուցման անվճար կենտրոնների նախագիծը շարունակակա՞ն է լինելու:

- Մենք մշտապես զարգացնում ենք Ռուսաց լեզվի ուսուցման անվճար կենտրոնների գործունեությունը: Կանցկացվեն նոր միջոցառումներ, կհամալրվի ուսումնական ծրագիրը: Լեզուն սովորելու համար ժամանակ է պետք, իսկ այն օգտագործելու համար` լեզվական միջավայր: Այսօր Հայաստանի տարածքում գործում են 103 Կենտրոն: Վերջին ուսումնական տարվա ընթացքում անցկացվել են երկու օլիմպիադա, որոնց հաղթողները հնարավորություն են ունեցել մի քանի օրորվ մեկնել Մոսկվա: Նախագծի զարգացման համար ծրագրում ենք մի շարք նախաձեռնություններ իրականացնել. երիտասարդության համար կանցկացվի ռուսաց լեզվի ամառային դպրոց, մեկնարկել է հեռակառավարային կրթության պիլոտային ծրագիրը, մի շարք միջոցառումներ են անցկացվել Կենտրոնների ուսուցիչների փորձի փոխանակման համար: Ծրագրերում կա նաև Ռուսաց լեզվի անվճար ուսուցման կենտրոնների տեղեկատվական կայքի ստեղծում:

- Կենտրոններում արդյո՞ք գործում է ուսուցիչների փորձի փոխանակման համակարգ:

- Փորձի փոխանակման համակարգը նախատեսում է գործունեության երկու ձև` Կենտրոնների ուսուցիչների համար միջոցառումների կազմակերպում և Ռուսաստանի մասնագետների հետ սեմինարների անցկացում: 2013 թվականին կենտրոնի 137 ուսուցիչ որակավորման բարձրացման կուրսեր են անցել Ա. Ս. Պուշկինի անվան ռուսաց լեզվի ինստիտուտի մանկավարժների և մեթոդիստների հետ: Նմանատիպ սեմինարները շարունակական են լինելու: Ռուսաց լեզվի ուսուցման 103 կենտրոնները տեղակայված են Հայաստանի ինը մարզում, դրանցից յուրաքանչյուրն ունի դասավանդման իր առանձնահատկությունները` կապված սովորողների պատրաստվածության աստիճանից: Այսպիսի միջոցառումների անցկացումն իրականացվում է «Ռուսական Գրքի Տուն» մշակութային կենտրոնների հիմքում, ինչը նպաստում է դասավանդողների մասնագիտական աճին ու մանկավարժական միջավայրի զարգացմանը: Մեր գործունեության մեջ կարևոր է նաև Ռուսաց լեզվի անվճար ուսուցման կենտրոնների, Ռուսական Գրքի Տուն մշակութային  կենտրոնների և Ազգային Ժողովի շենքում գործող գրադարանի  ապահովումը անհրաժեշտ գրականությամբ:

- Մոտ ապագայում` ստեղծված մշակութալուսավորչական հրապարակների հիմքում ի՞նչ միջոցառումներ եք ծրագրում իրականացնել:

- Հաշվի առնելով Մաքսային միությանը միանալու Հայաստանի Հանրապետության որոշման կարևորությունը` երկրի բնակչությունը պետք է լավ տեղեկացված լինի եվրասիական ինտեգրման ընթացիկ գործընթացների մասին. ինչ հստակ քայլեր են նախաձեռնվում, ինչ հնարավորություններ են բացվում, ինչ են իրենցից ներկայացնում վերազգային կառույցները, ինչպես է փոխվում միջազգային հարաբերությունների բնույթը: Այս նպատակով մենք ծրագրում ենք տեղական, շրջանային և հանրապետական մակարդակներում իրականացնել Հայաստանի եվրասիական ինտեգրման մասին սեմինարներ: ԱՊՀ երկրների երիտասարդական միությունն այս նախաձեռնության իրականացման համար բավականին փորձ ունի: Մենք իրականացրել ենք միջազգային կարգավիճակի միջոցառումներ` հրավիրելով եվրասիական ինտեգրացիոն գործընթացների տարբեր մասնակից երկրների ներկայացուցիչների: 2013 թվականին ''Մեկ քայլ ավելի մոտ'' եվրասիական երիտասարդական ֆորումի և 2014 թվականին ''XXI դարի Եվրասիան. խնդիրներ և հեռանկարներ'' միջազգային համաժողոովի անցկացումը առաջացրեց լայն հասարակական արձագանք: Լուսավորչական սեմինարների կազմակերպման մեջ կարևոր դեր է խաղում թիմային խաղի առկայությունը, քանի որ պահանջվում է մի շարք միջոցառումների կազմակերպում:

-Ծրագրու՞մ եք նոր համաժողովների և ֆորումների անցկացում:

-Այո, մենք ծրագրում ենք զարգացնել աշխատանքի այս ձևաչափը: Այժմ Հայաստանն ակտիվ քայլեր է ձեռնարկում Մաքսային միության այլ երկրների հետ հարաբերություններ հաստատելու ուղղությամբ, և հանդիպումների այս ձևաչափը թույլ է տալիս օգտագործել գործընկերների հավաքած փորձը: Մենք ծրագրում ենք համաժողովների անցկացում տարբեր մակարդակներում, այդ թվում նաև եվրասիական ինտեգրման մասնակից երկրների կառավարությունների ղեկավարների մասնակցությամբ: Անցկացվող միջոցառումների  քանակի ավելացումը թույլ կտա ամրացնել միջազգային կապերը: Մեր ծրագրերի մեջ մտնում է  միջոցառումների թեմատիկայի ընդլայնում` մասնագիտացված սոցիալապես նշանակալի ցուցահանդեսների կազմակերպում, այդ թվում նաև տնտեսական թեմատիկայով: Հայաստանի Կառավարության առջև ծառացած են կարևոր հարցեր, որոնց լուծումը պահանջում է երկրի հասարակական-քաղաքական կյանքի բոլոր մասնակիցների ընդհանուր ջանքերն ու համաձայնեցված աշխատանքը: Այսօր հատկապես կարևոր է բացատրել Հայաստանի բնակչությանը, թե ինչպես կարող է դեպի լավը փոխվել իրենց սոցիալ – տնտեսական դրությունը: Համոզված եմ, որ միայն միասին աշխատելու դեպքում կարելի է հասնել ցանկալի արդյունքների: