ՎԵՐԱ ԹԱՐԻՎԵՐԴԻԵՎԱ. «ԵԹԵ ՉՀԱՅՏՆՎԵՄ ԱԴՐԲԵՋԱՆԻ «ՍԵՎ» ՑՈՒՑԱԿՈՒՄ ` ԻՆՁ ՇԱՏ ԱՐՀԱՄԱՐՎԱԾ ԿԶԳԱՄ»
Արխիվ 12-16
ՎԵՐԱ ԹԱՐԻՎԵՐԴԻԵՎԱ. «ԵԹԵ ՉՀԱՅՏՆՎԵՄ ԱԴՐԲԵՋԱՆԻ «ՍԵՎ» ՑՈՒՑԱԿՈՒՄ ` ԻՆՁ ՇԱՏ ԱՐՀԱՄԱՐՎԱԾ ԿԶԳԱՄ»
Ապրիլի 21-25-ը Արցախում անցկացվել է «Միքայել Թարիվերդիևի երաժշտության օրեր»: Նման նախաձեռնությունը պատահական չէ, քանի որ հայտնի կոմպոզիտորի արմատները սերում են Արցախից, ուստի «Միքայել Թարիվերդիև» բարեգործական հիմանդրամի նախագահ, Մ.Թարիվերդիևի տիկնոջ` Վերա Թարիվերդիևայի խոսքով` միշտ էլ մեծ ցանկություն է ունեցել կրկին ու կրկին վերադառնալ Արցախ: Սա ոչ միայն համերգային ծրագիր է եղել, այլև շփում` տեղի դպրոցների աշակերտների, ուսուցիչների և ընդհանոր հասարակության հետ, որից կազմակերպիչները ստացել են մեծ բավականություն: Տիկին Վերան փաստում է, որ այն դպրոցները, որոնց հանդիպել է Արցախում, այլ տեղ չի հանդիպել, Արցախի մթնոլորտը այլ է: Շուշի, Գիշի, Բերձոր, Ստեփանակերտ և Արցախի այլ վայրերում ոչ միայն լսել են կոմպոզիտորի ստեղծագործությունները, այլև դպրոցներում կատարել են, ներկայացրել մաեստրոյի կյանքն ու գործունեությունը: «Մեզ ընդունեց նաև ԼՂՀ նախագահ Բակո Սահակյանը, Արցախում ընդհանուր ամեն ինչ այլ է և՛ մթնոլորտն է ուրիշ, և ՛ ամեն ինչ անցավ հիանալի: Մենք պարզապես ունեցանք անմոռանալի օրեր»,-հիցմունքով նշեց ՎԵՐԱ 
ԹԱՐԻՎԵՐԴԻԵՎԱՆ:
Սովորաբար Արցախ այցելող հանրահայտ մարդիկ Ադբեջանի կողմից հայտնվում են «սև» ցուցակում, այս առումով Վերա Թարիվերդիևան հավաստիացրեց. «Եթե ես չհայտնվեմ Ադրբեջանի «սև» ցուցակում ` ինձ շատ արհամարհված կզգամ»:
«Միքայել Թարիվերդիևի երաժշտության օրեր» միջոցառմանը մասնակցել է նաև Միքայել Թարիվերդիևի ստեղծագործությունները կատարող ՍԱՐ ՍԱՐԳՍՅԱՆԸ ով փաստեց, որ այս նախագիծը շարունակություն կունենա, այն իրականացնում է Արցախի ԿԳ նախարարությունը, որին կմիանա նաև մշակույթի նախարարությունը: «Մարտունու Գիշի գյուղում և Բերձորում շատ հուզումնալից պահեր եղան, մայրաքաղաքից կտրված այդ հեռավոր գյուղերում մարդիկ լսում եմ Թարիվերդիևի ստեղծագործությունները: Բավականին լեցուն օրեր էին, Արցախում Թարիվերդիևյան երաժշտության տոն էր»:
«Միքայել Թարիվերդիևի երաժշտության օրեր» նախագծի հեղինակը` բանաստեղծ, հասարակական գործիչ Վիկտոր Կոնոպլյովն է, ով Արցախում բազմիցս է եղել և սերտ համագործակցում է Արցախի ԿԳ նախարարության հետ: Արցախի և Հայաստանի նկատմամբ Կոնոպլյովի սերն անասելի է, ինչն արտահայտել է իր «Հայաստանը սիրո աղբյուր» բանատեղծությունների գրքույկում:
ԶՎԱՐԹ ԽԱՉԱՏՐՅԱՆ
1
9458 դիտում
2
2251 դիտում
3
2160 դիտում
4
2077 դիտում
5
1941 դիտում
