ՀԱՅԱՍՏԱՆՈՒՄ ԱՐԴԵՆ ՀՆԱՐԱՎՈՐ Է ՊԱՅՔԱՐԵԼ ՄԱՆԿԱԿԱՆ ԿՈՒՐՈՒԹՅԱՆ ԴԵՄ

ՀԱՅԱՍՏԱՆՈՒՄ ԱՐԴԵՆ ՀՆԱՐԱՎՈՐ Է ՊԱՅՔԱՐԵԼ ՄԱՆԿԱԿԱՆ ԿՈՒՐՈՒԹՅԱՆ ԴԵՄ

Հայաստանում արդեն հնարավոր է պայքարել մանկական կուրության դեմ և կանխարգել անհասունության ռետինոպաթիան (ԱՌ), որը հիմնականում դրսևորվում է վաղաժամ ծնված նորածիների մոտ: Անհասունության ռետինոպաթիայի դեմ պայքարի համար սկսել են համագործակցել երեք մարմին`Հայկական ակնաբուժության ծրագրը (ՀԱՆ), ԵՊԲՀ մանկաբարձության և գինեկոլոգիայի կենտրոնը և Մալայանի անվան ակնաբուժության կենտրոնը, որոնց շնորհիվ ապրիլի 28-ին Հայաստանում առաջին անգամ տեղի է ունեցել բարդ վիրահատություն, ինչը ըստ ՀՀ ԱՆ գլխավոր ակնաբույժ Ալեքսանդր Մալայանի մեծ ձեռքբերում է թե՛ բժիշկների, թե՛ հասարակության համար: «Այս ոլորտում մինչ այժմ մենք ընդհանրապես ոչինչ չէինք անում , նման խնդիր ունեցող երեխաները վիրահատման նպատակով մեկնում էին այլ տեղ, կամ վիրահատվում էին կամ ոչ: Իսկ այս ծրագիրը մենք սկսել ենք երեք տարի առաջ և ես չէի պատկերացնում, որ կկարողանանք այս մեծագույն խնդիրը լուծել Հայաստանում»,-ասում է ՀՀ ԱՆ գլխավոր ակնաբույժը և ընդգծում, որ մանուկների վիրահատության համար Հայաստանում կան համապատասխան սարքավորումներ և մասնագետներ:
Բժիշկ Սույ Չեն Վոնգին, ով ծանոթ է բոլոր վիրաբույժներին փաստում է, որ ամբողջ աշխարհում կան ընդհամենը 30 մասնագետներ ովքեր ունակ են իրականացնել նմանատիպ բարդ վիրահատություններ:Նրա խոսքով`շատ դեպքերում բժիշկները խուսափում են այսօրինակ վիրահատություններից երկու պատճառով`չեն ցանկանում իրենց վրա վերձնել այն հսկայական ճնշվածությունը, որը կապված է մանուկի և նրա ծնողների հետ և տեխնիկապես վիրահատություն բարդ գործընթաց է, որի արդյունքները շատ անգամ տարբեր են լինում: Հայկական ակնաբուժության ծրագրի հիմնադիր –նախագահ Ռոջեր Օհանեսյանը գոհ է իրենց մշակած ծրագրի առաջին արդյունքից և հույս ունի, որ Հայստանը այս առումով կդառնա տարածաշրջանային կենտրոն. «2010 թվականից սկսած ՀԱՆ-ը Հայաստանում սկսեց իրականացնել «Անհասունության ռետինոպաթիայի ակնային զննումների և բուժման» ազգային ծրագիրը:ԱՌ և ռետինալ համաշխարհային առաջատար մասնագետների ներգրավումը ծրագրում ԱՌ հիվանդության բուժումը տեղափոխում է մի հարթություն, որը շուտով հույս ունենք թույլ կտա Հայաստանը որոկավորել որպես տարածաշրջանային կենտրոն:Հուսով ենք հայ մասնագետները հետևելով իրենց միջազգային գործընկերներին կշարունակեն հաջողությամբ վիրահատություններ իրականացնել Հայաստանում»,-ընդգծեց Ռ.Օհանեսյանը: ԵՊԲՀ մանկաբարձության և գինեկոլոգիայի կենտրոնի տնօրեն Ռազմիկ Աբրահամյանի տվյալներով` Հայաստանում նորածիների 7-9 տոկոսը վաղաժամ ծննդաբերություններ են: Այն նորածիները, որոնց քաշը 500-1000 գրամ է, նրանց մոտ ռետինոպաթիայի մեծացման ռիսկը շատ մեծ է:

ԶՎԱՐԹ ԽԱՉԱՏՐՅԱՆ