«ԷՀ, ՄԻԱՆԳԱՄԻՑ ԳՆԴԱԿԱՀԱՐՈՒԹՅԱՆ ՀՈԴՎԱԾ ԷԼ ԴՐԵՔ...»
Արխիվ 12-16
«ԷՀ, ՄԻԱՆԳԱՄԻՑ ԳՆԴԱԿԱՀԱՐՈՒԹՅԱՆ ՀՈԴՎԱԾ ԷԼ ԴՐԵՔ...»
«Սեւանա լճի էկոհամակարգի վերականգնման, պահպանման, վերարտադրման եւ օգտագործման միջոցառումների տարեկան ու համալիր ծրագրերը հաստատելու մասին» ՀՀ օրենքում լրացումներ կատարելու մասին» ՀՀ օրենքի նախագծի քննարկումը երեկ ԱԺ-ում թունդ բանավեճի առարկա դարձավ: ԱԺ ՀԱԿ խմբակցության պատգամավոր ԱՐԱՄ ՄԱՆՈՒԿՅԱՆԸ նշեց, թե համաձայն չէ կառավարության այն հիմնավորումներին, որ Արարատյան դաշտավայրը ոռոգման ջրի խնդիր ունի. «Արարատյան դաշտավայրում ընդամենը 700-800 մլն խմ է պետք ոռոգման խնդիրը լուծելու համար: Այս ոռոգման խնդիրը նաեւ պատրվակ է`
Սեւանից հավելյալ ջուր բաց թողնելու: Իրականում խնդիր է դրված պաշտպանել Սեւանա լճի մերձակայքում տեղակայված օբյեկտները»: Ապա հավելեց. «Եկել եք նեյնիմ եք անում, որ այլ կերպ խնդիրը չեք կարող լուծել, ջրամբարների խնդիրը լուծեիք»: Արամմանուկյանական նեյնիմներին ի պատասխան, ԱԺ ՀՀԿ խմբակցության պատգամավոր, ԱԺ տնտեսական հարցերի մշտական հանձնաժողովի նախագահ ՎԱՐԴԱՆ ԱՅՎԱԶՅԱՆԸ նկատեց, որ Ա. Մանուկյանը վատ հիշողություն ունի ու բերեց մի քանի թվային օրինակ. «Նեյնիմ Դուք եք անում: Ցանկացած գաղափար կարելի է սեւացնել` ինչ ձեւի ուզում եք: Հանկարծ դառաք, ես ինչ գիտեմ, բնության դեմ պայքարողների ջատագով, ուրեմն` բնությունը պահանջում է ռեսուրսի բանական օգտագործում, բնության բաղկացուցիչ մասը նաեւ մարդն է: Հերիք է բառախաղով զբաղվեք: Էս ի՞նչ միանգամից մեզ սկսեցիք կասկածել ադրբեջանական քաղաքական համագործակցության մեջ: Էս ի՞նչ միանգամից դուրս եկավ: Տենց միանգամից էլի, ձեռքի հե՞տ: Էհ, միանգամից գնդակահարության հոդվածն էլ դրեք: Էս ի՞նչ ստացվեց: Դե, խոսում ենք էլի: Բայց խոսելով հո չի՞, էդ անտեր լեզուն ոնց ուզում է, էդպես պտտվում է: Իրականում, երբ թվեր եք խեղաթյուրում, սա է ինձ սկսում անհանգստացնել: Հիմա գյուղացուն ի՞նչ պետք է տանք, բարի խոսքերից բխող խորհուրդնե՞ր, ամպագոռգոռ ելույթնե՞ր... Խոսում եք, պետք է իմանաք հարցի էությունը, եւ ոչ թե խոսեք սիրունության համար», - հավելեց Վ. Այվազյանը:
ՀՐԱՆՏ ՍԱՐԱՖՅԱՆ
1
9458 դիտում
2
2251 դիտում
3
2160 դիտում
4
2077 դիտում
5
1941 դիտում
