ԳՈՒՍԱՆ ՀԱՅԿԱԶՈՒՆ. «ՄԵԶ ՊԵՏՔ Է ՍԱՐԴԱՐԱՊԱՏԻ, ԱՐՑԱԽԻ ՈԳԻՆ»
Արխիվ 12-16
ԳՈՒՍԱՆ ՀԱՅԿԱԶՈՒՆ. «ՄԵԶ ՊԵՏՔ Է ՍԱՐԴԱՐԱՊԱՏԻ, ԱՐՑԱԽԻ ՈԳԻՆ»
Գուսան Հայկազունը և իր հիմնադրած ազգային-ազատագրական երգի խումբը` «Հայկազունք»-ը ի հիշատակ Հայոց Ցեղասպանության զոհերի «Արամ Խաչատրյան» համերգասրահում հանդես եկան մեծ միջոցառումով: «Սա, վրեժխնդրության, զարթոնքի, պահանջատիրության և ոգու միջոցառում է, որը արտահայտվում է երգերի միջոցով: Ծրագրում ընդգրկված են իմ պահանջատիրական երգերը»,- «Իրավունքի» հետ զրույցում նշեց ԳՈՒՍԱՆ ՀԱՅԿԱԶՈՒՆԸ և հավելեց, որ հաջորդ տարի կցանկանա ոչ թե Հայոց Ցեղասպանության 100-ամյակը նշվի, այլ վերածնված և վերամիավորված Հայաստանի ծնունդը: «Ազգին ավելի շատ ոգի է պետք տալ, բարձրացնել նրա ոգին, որովհետև գալու է այդ օրը, երբ մենք պետք է գնանք և տիրանանք մեր Էրգրին:Մեզ ավելի շատ ոգի է պետք , քան զենք:Մեզ պետք է Սարդարապատի, Արցախի ոգին իմ գործունեությունը միտված է հենց դրան»,-ընդգծեց Գուսան Հայկազունը: Գուսան Հայկազունը և «Հայկազունք»-ը հանդիսատեսին ներկայացրեցին այն երգերը, որոնք Գուսանը գրել է Արցախյան հերոսամարտի ժամանակ` խրմատներում, հաղթական օրերին:
Երգերի ներքո դահլիճում հանդիսատեսը հայկական քոչարին պարելուց զատ, ծածանում էր նաև Արցախի, Հայաստանի և հայկական թագավորությունների դրոշները, որպես նշան Միացյալ Հայաստանի: Մինչ Հայոց Ցեղասպանության 100-ամյա տարելիցը, մոտ մեկ տարի Գուսան Հայկազունը կշրջի ամբողջ Հայաստանում և Արցախում` մարզեր, գյուղեր, քաղաքներ և կներկայացնի իր հեղինակած երգերը:
ԶՎԱՐԹ ԽԱՉԱՏՐՅԱՆ
1
9525 դիտում
2
2251 դիտում
3
2166 դիտում
4
2077 դիտում
5
1941 դիտում
