Մեծ եղեռնի զոհերի հիշատակին նվիրված դոնորագրում

Մեծ եղեռնի զոհերի հիշատակին նվիրված դոնորագրում

Սույն թվականի ապրիլի 25-ին Երևանի Պետական Բժշկական Համալսարանը նախաձեռնել էր մեծ եղեռնի զոհերի հիշատակին նվիրված միջոցառում, որի շրջանակներում “Ոսկրածուծի Դոնորների Հայկական Ռեեստր” բարեգործական հիմնադրամը իր մասնակծությունն ունեցավ “Նվիրիր մեկ կյանք” խորագրով, որի ընթացքում եղան բազմաթիվ ելույթներ, ներկայացվեց ռեեստրի գործունեությունը, անցկացվեց լայնամաշտաբ դոնորագրում: Այս հիրավի մարդասիրական գործին մասնակցեցին  361 կամավորներ, ինչպես ուսանողների, անպես էլ պրոֆեսորադասախոսական կազմի և ԲՈՒՀ-ի ղեկավարության կողմից: Արդեն 15 տարի է, ինչ հիմնադրամը նվիրվել է լեյկեմիայի և արյան չարորակ այլ հիվանդությունների դեմ պայքարին՝ ձգտելով օգնել աշխարհասփյուռ հայերին և, ինչու չէ, այլ ազգիներին հաղթահարել այդ մահացու հիվանդությունները:

Ոսկրածուծի դոնորների հայկական ռեեստր» բարեգործական հիմնադրամը Բժշկական Համալսարանին ներկայացրեց նաև մի շատ կարևոր նորույթ: 2014թ. Հայաստանում առաջին անգամ հիմնադրամը «Բիոստեմ» հունական  կազմակերպության հետ համատեղ հիմնել է ցողունային բջիջների մշակման և պահպանման բանկ: Երեխայի ծնվելուց և պորտալարից անջատելուց հետո, վերցվում է պորտալարի արյունը, որից անջատվում են ցողունային բջիջները, մշակվում և պահպանվում են  մարդու ողջ կյանքի ընթացքում:

Ոսկրածուծի դոնորների հայկական ռեեստրը հիմնադրվել է 1999 թվականին և գրանցվել է որպես շահույթ չհետապնդող բարեգործական կազմակերպություն: Հիմնադրամի առաքելությունն է օգնել աշխարհասփյուռ հայորդիներին հաղթահարելու արյան մի շարք մահացու հիվանդությունները, որոնք հաճախ բուժվում են ոսկրածուծի/ցողունային բջիջների փոխպատվաստմամբ:  Հիմնադրամի նպատակն է հիվանդի համար գտնել ոսկրածուծի/ցողունային բջիջների համապատասխան դոնոր, կազմակերպել դոնորի հավաքագրում համայն հայության շրջանում:

Մինչ օրս ռեեստրում կամավորագրվել է մոտ 26.000 դոնոր, ռեեստր դիմած 2885  հիվանդի հետ նախնական համընկնող 2469 պոտենցիալ դոնոր է հայտնաբերվել, որոնցից 20-ը նվիրաբերել են իրենց արյան ցողունային բջիջները:

Հիշեցնենք, որ դոնոր դառնալու համար հարկավոր է լինել 18-50 տարեկան, հանձնել 3մլ արյուն և լրացնել հարցաթերթիկ: Դոնորագրվելն անվնաս և անցավ գործընթաց է, տևում է հաշված րոպեներ, սակայն հնարավորություն է տալիս հետագայում համատեղելիության հայտնաբերման դեպքում փրկել մեկ կյանք: