ՙԱԶԳԱՆՎԵՐ ՈՐՈՇՈՒՄ` ԱՆԴԱՄԱԳՐՎԵԼ ՄԱՔՍԱՅԻՆ ՄԻՈՒԹՅԱՆԸ

ԱԶԳԱՆՎԵՐ ՈՐՈՇՈՒՄ` ԱՆԴԱՄԱԳՐՎԵԼ ՄԱՔՍԱՅԻՆ ՄԻՈՒԹՅԱՆԸ

Հայաստանի համար, մեր ժողովրդի համար Մաքսային միություն մտնելը իմաստուն, խելացի, բարի գործ է, որը ի սրտե ողջունում է հայության ստվար զանգվածը, արժանի գնահատելով, համարելով այն հայրենիքի անվտանգության ապահովում:
Սակայն ցավով ու ցասումով պետք է ասվի, որ չարությամբ լցված չարակամ մարդիկ այս հայանպաստ գործը, քայլը ամեն կերպ ձգտում են խաթարել: Ճիշտ է ասված, որ չար մարդը նման է ածուխի, եթե չի այրում, ապա սեւացնում է. այդպիսիները խաբում են թերահավատներին, գցում մոլորության մեջ, դրդում չարության, ուզում իրենց նոսր խումբը փրկել մեկուսացումից, թեպետ այդ խաբվածները դժկամությամբ են գնում նրանց հետ եւ շուտով կամովի զերծ կմնան, կհրաժարվեն սխալ, վտանգածին ուղուց:
Կան անձինք, թեկուզ շատ եզակի, ովքեր խիղճն ու նամուսը կորցրած հայադավ մտքեր են բղավում, չարախոսում, մեղադրելով մեր ժողովրդին ռուսամետ լինելու մեջ (անկախ իրենցից` միակ ճիշտ խոսքը բարբաջանքի մեջ):
Իսպանացիները դիպուկ են ասել. ՙԱստված փրկի գիտունի համբավ ունեցող հիմարից՚:
Լուսամիտ Խաչատուր Աբովյանը շարունակ խրատել ու պատգամել է. ՙՕրհնաբեր համբավ ռուսների մուտքը Հայոց լիս աշխարհը, օրհնվի էն սահաթը, որ ռուսի օրհնած ոտը Հայոց լիս հող մտավ ու ղզլբաշի անիծված չար շունչը մեր երկրից հալածեց: Քանի որ մեր բերնումը շունչ կա, պետք է գիշեր-ցերեկ մեր քաշած օրերը մտքներս բերենք ու ռուսի երեսը տեսնելիս երեսներիս խաչ հանենք, Աստծուն փառք տանք, որ մեր աղոթքը լսեց՚:
Հարկ է ասել այդ զազրախոսներին, որ հայը հոգով ե°ւ ռուսամետ է, ե°ւ ռուսամոտ, ե°ւ ռուսասեր:
Որոշումը` Մաքսային Միություն մտնելու համար արժանի է դրվատանքի, խելամիտ է եւ իմաստուն:

ՅՈՒՐԻԿ ՊԱՐՈՒՅՐԻ ՔՈԹԱՆՋՅԱՆ
ք. Աշտարակ