ՀՐԵԱ ԺՈՂՈՎՈՒՐԴԸ ՑԱՎՈՎ Է ԽՈՍՈՒՄ ՀԱՅՈՑ ՑԵՂԱՍՊԱՆՈՒԹՅԱՆ ՄԱՍԻՆ
Արխիվ 12-16
ՀՐԵԱ ԺՈՂՈՎՈՒՐԴԸ ՑԱՎՈՎ Է ԽՈՍՈՒՄ ՀԱՅՈՑ ՑԵՂԱՍՊԱՆՈՒԹՅԱՆ ՄԱՍԻՆ
Ապրիլի 24-ին աշխարհասփյուռ հայությունը մեկ մարդու պես հարգանքի տուրք մատուցեց 1915 թվականին թուրքերի դաժան եւ անասնական գործողությունների զոհ դարձած հայերի հիշատակին: Այսօրվա դրությամբ ոչ քիչ թվով պետություններ Հայոց ցեղասպանություն եզրույթն օգտագործելով` ճանաչել են այն: Հարկ ենք գտնում նկատել սակայն, որ ԱՄՆ-ն այս անգամ եւս շրջանցեց իրողությունը, եւս մեկ անգամ ապացուցեց թուրքերի հետ ունեցած լավ գործընկերության փաստը: Նման խուսափողական գործելաոճով է առաջնորդվում նաեւ Իսրայելը, սակայն ի հեճուկս այս ամենի` ԱՄՆ-ի Հրեական կոնգրեսը ճանաչել է Հայոց ցեղասպանությունը եւ ընդունել այն: Ստեղծված քաղաքական պարադոքսի մասին "Իրավունքը" զրուցեց Հայաստանում հրեական համայնքի ղեկավար ՌԻՄԱ ՎԱՐԺԱՊԵՏՅԱՆԻ հետ. "Ես հիմա որեւէ նոր բան չեմ ասի` նշելով, որ նման քայլի պատճառն այն է, որ Թուրքիան Մերձավոր Արեւելքի միակ մուսուլմանական պետությունն է, որն էլ իր հերթին Իսրայելի համար հանդիսանում է տնտեսական առումով գործընկեր: Դա առաջին պատճառն է, որի հետ կապված` Իսրայելը չի ընդունում Հայոց ցեղասպանությունը, եւ երկրորդ` կապված է նաեւ երկրի անվտանգության հետ: Այս երկու հանգամանքների հետ կապված` Իսրայելը մի փոքր զգուշությամբ է մոտենում այդ հարցին: Սակայն թե՛ մարդիկ եւ թե՛ պետությունները ունեն բարոյականություն եւ արժանապատվություն: Հարկ եմ գտնում նշել, որ հրեաների այն մեծամասնությունը, ովքեր տեղյակ են տեղի ունեցածից, մեծ ցավով են խոսում ցեղասպանվածների մասին: Ներկայումս մենք անում ենք ամեն ինչ, որպեսզի հայերի ցեղասպանությունը ճանաչվի":
ՍՈՍԵ ՉԱՆԴՈՅԱՆ
1
9561 դիտում
2
2251 դիտում
3
2166 դիտում
4
2077 դիտում
5
1941 դիտում
