Դերասանուհի. «ԹԱՑ ԱՉՔԵՐՈՎ ՌՈՒՍ ԿԻՆԸ ԳՐԿԵՑ ԵՎ ՀԱՄԲՈՒՐԵՑ ԻՆՁ»

Դերասանուհի. «ԹԱՑ ԱՉՔԵՐՈՎ ՌՈՒՍ ԿԻՆԸ ԳՐԿԵՑ ԵՎ ՀԱՄԲՈՒՐԵՑ ԻՆՁ»

Երեւանի Կ. Ստանիսլավսկու անվան պետական ռուսական դրամատիկական թատրոնը, դերասանուհի Ագնեսա Շահնազարյանն օրերս են վերադարձել ապրիլի 7-13-ը Սանկտ Պետերբուրգում կայացած XVI ԱՊՀ եւ Բալթյան երկրների ռուսական թատրոնների` «Հանդիպումներ Ռուսաստանում» միջազգային փառատոնից: Փառատոնին այս տարի մասնակցել են  թատրոններ Հայաստանից, Բելառուսից, Ղազախստանից, Մոլդովայից, Ուզբեկստանից, Էստոնիայից: Այդ մասին այսօր «Ազդակ» լրագրողական ակումբում կայացած ասուլիսին պատմեցին դերասանուհի ԱԳՆԵՍԱ ՇԱՀՆԱԶԱՐՅԱՆՆ ու բեմադրիչ, ՀՀ Ժող. արտիստ ՎԱՀԵ ՇԱՀՎԵՐԴՅԱՆՆ, ով, թեպետ անձամբ ներկա չի գտնվել փառատոնին, սակայն, արդեն հասցրել է լսել հայ մասնակիցների ունեցած հաջողությունների մասին: Ի դեպ, գործը, որով դերասանուհի Ա. Շահնազարյանը ներկայացել է փառատոնին, բեմադրել է Վ. Շահվերդյանը: Խոսքը Կարինե Խոդիկյանի«Պենելոպեի» մասին է:

«Ինձ համար առաջնային էր, թե ինչպես ներկայացումը կընդունի հանդիսատեսը. մենք բոլորս աշխատում ենք հանդիսատեսի համար: Ներկայացման հաջորդ օրը, երբ դրսում կանգնած սպասում էի հերթական ներկայացման, ինձ անծանոթ մարդիկ մոտեցան ու շնորհավորեցին: Մի ռուս կին էլ թաց աչքերով մոտեցավ, գրկեց ու համբուրեց ինձ… Դա ինձ համար արդեն հաղթանակ էր»,- ասաց Ա. Շահնազարյանը:

Նյութն ամբողջությամբ կարդացե՛ք վաղվա տպագիր «Իրավունքում»:

Նյութը, լուսանկարը եւ տեսանյութը`Վ. ՄՈՒՐԱԴՅԱՆԻ