Գ. ԳԻՆՈՍՅԱՆ. «ԱԶԳԱՅԻՆ ՆԿԱՐԱԳԻՐ ԿԵՐՏՈՂ ՄՇԱԿՈ՞ՒՅԹ, ԹԵ՞ «ՄԱՄԱ ԼՅՈՒԲԱ» ԵՐԳՈՂ ՄՇԱԿՈՒԹԱՅԻՆ ՁԵՌՆԱՐԿ»

Գ. ԳԻՆՈՍՅԱՆ. «ԱԶԳԱՅԻՆ ՆԿԱՐԱԳԻՐ ԿԵՐՏՈՂ ՄՇԱԿՈ՞ՒՅԹ, ԹԵ՞ «ՄԱՄԱ ԼՅՈՒԲԱ» ԵՐԳՈՂ ՄՇԱԿՈՒԹԱՅԻՆ ՁԵՌՆԱՐԿ»

Այս օրերին, երբ դեռ պարզ չէ, թե ո՞վ կլինի ՀՀ մշակույթի նախարար, «Կարին» ավանդական երգի-պարի խմբի հիմնադիր եւ գեղարվեստական ղեկավար ԳԱԳԻԿ ԳԻՆՈՍՅԱՆՆ «Իրավունքի» հետ զրույցում նշեց, որ ով էլ ուզում է լինի, մշակութային իրավիճակը փրկելը ոչ թե նախարարի, այլ` բարձր տեղերում որոշվող մշակութային քաղաքականության խնդիրն է: «Չեմ կարծում, որ հենց նախարարն է որոշում ամեն ինչ, այդ հարցերը ավելի բարձր գործառույթ են` ավելի բարձր օղակներում: Պիտի նախեւառաջ մշակույթի նախարարի առջեւ դրված առաջադրանքը հստակ լինի. ազգային մշակույթի զարգացում, համախառն արտադրանք, թե՞ կոնկրետ ավելի գլոբալ բաներ: Բայց որ մշակութային քաղաքականություն չկա, եւ դա շատ ավելի բարձր ատյաներում որոշելիք ժանր է, ինձ համար հստակ է: Վստահ եմ, որ ոչ ոք չի կարող ինչ-որ բան փոխել այս ոլորտում: Ոչ թե չկան մարդիկ, որոնք կարող են փոխել, պարզապես, մոտավորապես ասենք` բեռնատար մեքենայի ղեկը փոխելով` նրան փափկություն, հարմարավետություն չես տա... Մեզ` մեր ղեկավարությանը, պետք է հասկանալ, թե ինչպիսի՞ մեքենա է պետք, ազգային նկարագիր կերտող մշակո՞ւյթ, թե՞ շոու, ինչպես որ այսօր է` Հանրապետության հրապարակում «Մամա Լյուբա երգող» մշակութային ձեռնարկներ, թե՞ ազգային նկարագիրը վերականգնող ու վերածնող մշակույթ»:

ԼԻԼԻԹ ԵՂԻԱԶԱՐՅԱՆ

Հ.Գ. Զրույցն ամբողջությամբ կարդացե՛ք տպագիր "Իրավունքի" առաջիկա համարում: