ՙԱյս տարի թունավորումների դեպքերի մեծ մասը եղել է բոտուլիզմի դեպքերով, որը պայմանավորված է կենցաղում` տնային պայմաններում, պատրաստված պահածոներ օգտագործելու հետ՚,- մեզ հետ զրույցում ասաց Հիվանդությունների վերահսկման եւ կանխարգելման կենտրոնի բժիշկ ՆԵԼԼԻ ՄԿՐՏՉՅԱՆԸ:
-Ի դեպ, բոտուլիզմով թունավորման դեպքեր արձանագրվել են միայն մեծահասակների շրջանում. չունենք դեպք, երբ բոտուլիզմից տուժած լինի երեխա: Բոտուլիզմով թունավորման վերջին դեպքը գրանցվել է Կոտայքի մարզի Մրգաշեն գյուղում, երբ մայր ու որդի տեղափոխվել էին ՙԱրմենիա՚ բժշկական կենտրոն: Նախորդ տարիների հետ համեմատած, պետք է ասեմ, որ բոտուլիզմով թունավորումների դեպքերը գնալով նվազում են, բայց, որ ասեմ շատանալու կամ քչանալու կայուն տենդենց կա` այդպես էլ չէ: Բոտուլիզմով թունավորվելուց զերծ մնալու համար մեկ անգամ եւս պետք է հորդորեմ մեր բնակչությանը` քիչ օգտագործեն տնային պայմաններում պատարաստված պահածոներ, օգտագործելու դեպքում էլ, այն տասնհինգից քսան րոպե եռացնելուց հետո: Բացի բոտուլիզմով թունավորման դեպքերից, այս տարվա ընթացքում հանրապետությունում գրանցվել է սննդային թունավորման 5 դեպք: Սննդային թունավորման համար, հատկապես տաք եղանակներին, մեծ վտանգ է ներկայացնում կրեմային արտադրանքը, այնպես որ, ցանկալի է հետեւել պիտանելիության ժամկետներին, պահպանվող պայմաններին: Իսկ մրգերից եւ բանջարեղենից` թունավորման եւ այլ վարակներից զերծ մնալու համար անհրաժեշտ է օգտագործել հոսող ջրի տակ լավ լվանալուց հետո:
1
9764 դիտում
2
2251 դիտում
3
2225 դիտում
4
2093 դիտում
5
1960 դիտում
