ՇԵՆԳԱՎԻԹԻ ԽԱՆՈՒԹՆԵՐԸ ՙԵՎՐՈՊԱԿԱՆԱՑՆՈՒՄ, ԵՆ

ՇԵՆԳԱՎԻԹԻ ԽԱՆՈՒԹՆԵՐԸ ՙԵՎՐՈՊԱԿԱՆԱՑՆՈՒՄ, ԵՆ

Ըստ որոշ խոսակցությունների` Շենգավիթ վարչական շրջանում որոշում է կայացվել, որ բոլոր խանութները պետք է, այսպես ասած, ՙեվրատեսքի՚ բերվեն, ընդ որում` մեկ ամսվա ընթացքում: Թե որքանով են այդ խոսակցությունները համապատասխանում իրականությանը, փորձեցինք պարզել Շենգավիթ վարչական շրջանի ղեկավարի աշխատակազմի քարտուղար ՀՈՎՀԱՆՆԵՍ ՂԱԼԵՉՅԱՆԻՑ:
Մեր զրուցակիցը սկզբում առհասարակ հերքեց նման խոսակցությունների իսկությունը` ասելով, որ նման որոշում չկա: Բայց մի քանի րոպե հետո զանգահարեց եւ ասաց.
-Խոսքը գիտեք ինչի մասին է. դա ոչ թե առհասարակ բոլոր խանութներին է վերաբերում, որ ինչ-որ ստանդարտ դրած է, որ մարդիկ մեծ ծախսեր պետք է անեն, այլ կոնկրետ խանութների, որոնք անբարեկարգ վիճակում են, քաղաքի տեսքին կամ կոնկրետ փողոցի տեսքին համապատասխան չեն: Խոսքն այն մասին է, որ կոնկրետ ամեն մեկը իր խանութի արտաքին տեսքը մաքուր ու բարեկարգ պահի: Ոչ ոք ինչ-որ լրացուցիչ ծախսերի մասին չի խոսել, ուղղակի պատշաճ տեսքի բերելու մասին է խոսքը:
- Այսինքն` ամեն դեպքում նման որոշում կա±:
- Դա ոչ թե որոշում է, դա ամբողջությամբ տեղավորվում է տեղական իշխանությունների լիազորությունների մեջ, որ խանութի արտաքին տեսքը պետք է կարգավորված, բարեկարգ լինի, իսկ հարակից տարածքը` մաքուր: Դա ընթացիկ աշխատանք է, այդ պահանջը միշտ էլ կար: Ըստ երեւույթին, որոշ խանութների տերեր դա սխալ են հասկացել, կամ էլ նրանց համար իրենց խանութի փնթի տեսքը հաճելի է:
- Ժամկետներ դրված են:
- Տրվել է ողջամիտ ժամկետ, մեկ ամսում չլինի, թող լինի մի օր ուշ կամ մի օր շուտ: Հարցն այն է, որ մարդը միջոցներ ձեռնարկի եւ իր սեփականությունը հանդիսացող տարածքը պատշաճ տեսքի բերի:
Չնայած այս պարզաբանմանըª խանութպանները շարունակում են պնդել, որ իրենցից պահանջել են իրականացնել զգալի ծախսեր պահանջող վերանորոգում: Անգամ այնպիսի դեպքերում, երբ խանութի տեսքը բավականին նորմակ է, էլի. ՙՊահանջել են ՙեվրաստեսքի՚ բերել՚: Իսկ թե հանուն ինչի կամ ում, դեռ կպարզենք:

ԻԼՈՆԱ ԱԶԱՐՅԱՆ