ԱՊՐԻԼԻ 18-Ը` ՀՈՒՇԱՐՁԱՆՆԵՐԻ ՊԱՀՊԱՆՈՒԹՅԱՆ ՕՐՆ Է

ԱՊՐԻԼԻ 18-Ը` ՀՈՒՇԱՐՁԱՆՆԵՐԻ ՊԱՀՊԱՆՈՒԹՅԱՆ ՕՐՆ Է

1983 թվականին ՅՈՒՆԵՍԿՕ-ն Հուշարձանների և տեսարժան վայրերի միջազգային խորհրդի (ԻԿՕՄՕՍ) առաջարկությամբ ապրիլի 18-ը նշում է, որպես հուշարձանների և տեսարժան վայրերի միջազգային օր: Որը մեկ անգամ ևս հնարավորութուն է ընձեռում մեծացնելու հասարակության տեղեկացվածությունը համաշխարհային ժառանգության բազմազանության, դրա պահպանության վերբերյալ: Ամեն տարի ԻԿՕՄՕՍ-ի կողմից առաջարկվում է օրվա խորհրդին առնչվող որևէ յուրահատուկ թեմա ինչը հնարավորություն է տալիս ընդգծելու համաշխարհային ժառանգության բազմազանությունը: Առաջին Համաշխարհային պատերազմի 100-ամյա տարելիցի առթիվ և հաշվի առնելով այն հանգամանքը, որ մշակութային ժառանգությունը կապված է պատմության և հիշողության հետ, այս տարի ԻԿՕՄՕՍ-ի առաջարկությամբ ապրիլի 18-ը նշվելու է «Հիշատակի ժառանգություն» խորագրի ներքո: ՀՀ մշակույթի նախարարությունը համագործակցելով մի շարք բարեգործական հիմնադրամների և կազմակերպությունների հետ յուրաքանչյուր տարի վերակառուցում և վերականգնում է ՀՀ պատմամշակութային կոթողները: Այս անգամ հերթը Լոռու մարզի երեք հուշարաձաններինն էր`Օձունի սուրբ Մարիամ Աստվածածին եկեղեցի, Քոբայրավանքի վանական համալիր և «Լոռի բերդ»: 2011 թվականից ՀՀ մշակույթի նախարարության և «Հովհաննես իմաստասեր կաթողիկոս Օձնեցի» բարեգործական հիմնադրամի համատեղ ջանքերով սկսվեց Օձունի սուրբ Մարիամ Աստվածածին եկեղեցու վերականգնամ աշխատանքերը: Դեռևս 2010 թվականին մշակույթի նախարարությունը այստեղ իրականացրել էր նախագծման և գիտահետազոտական աշխատանքեր, որոնք որոշ ժամանակ անց կրկին շարունակվել են:

ՀՀ մշակույթի նախարարի տեղակալ Արև Սամուելյանի խոսքով` նախագծի վերաբերյալ տեղի է ունեցել վեց գիտամեթոդական նիստ, սա այն դեպքում, երբ սովորաբար միջինը երկու նիստ է լինում, մեկ` հուշարձանի վերաբերյալ. «Այնքան կոմպլեքսային խնդիրներ կան, որոնք ամբողջովին լուծված չեն, սակայն բազմաթիվ մասնագիտական, այդ թվում նաև բաց քննարկումներ են եղել Օձունի եկեղեցու վերականգնման հետ կապված: Խաչի տեղադրվելուց հետո, իր ամբողջ գեղեցկությամբ նոր գմբեթը արդեն հասանելի կլինի ուխտավորներին, հավատացյալներին և հասարակությանը»,-նշեց ԱՐԵՎ ՍԱՄՈՒԵԼՅԱԸ:

Օձունի սուրբ Մարիամ եկեղեցու վերականգնաման աշխատանքերը շարունակվում են և ըստ վերականգնող ճարտարապետ ԳՐԻՇԱ ՀԱԿՈԲՅԱՆԻ հաջորդ տարի հավանաբար այդ աշխատանքները կհասցվեն իրենց ավարտին: Մինչ այս վերականգնումը` եկեղեցին վերկանգնվել է 1992 թվականին, սակայն այդ ժամանակ աշխատանքերը կիսատ են մնացել:

Նշենք, որ Հուշարձանների պահպանության միջազգային օրվա նախօրեին`ապրիլի 17-ին Օձունի սուրբ Մարիամ Աստվածածին եկեղեցում տեղի ունեցավ խաչի օծում, որը համընկել էր նաև սուրբ Զատկի տոնի Ավագ հինգշաբթիի հետ: Խաչը օծվելուց հետո հավաքված հավատավորների ներկայությամբ տեղադրվեց եկեղեցու գմբեթին:

ԶՎԱՐԹ ԽԱՉԱՏՐՅԱՆ