ՙՙՙՙՙՙԿԳԲ-Ի ՊԱԴՎԱԼԸ՚ ՍՊԱՍՈՒՄ Է ԳՐԱՆՏԱԾԻԾՆԵՐԻՆ
Արխիվ 12-16
Ըստ ՀՀ Մարդու իրավունքների պաշտպանի գրասենյակի տարածած հաղորդագրության` օմբուդսմեն Կարեն Անդրեասյանի առաջարկով Գորիկ Հակոբյանը հանձնարարել է հրատապ քայլեր ձեռնարկել ձերբակալված անձանց պահպանման վայրում առկա թերությունները շտկելու ուղղությամբ: Ըստ ՄԻՊ-ի մամուլի ծառայության` 20 օրվա ընթացքում արվել են 10 կետանոց բարեփոխումներ, որոնք ընդգրկում են ինչպես կենցաղային եւ զբոսանքի պայմանների բարելավումը, այնպես էլ կալանավորների համար զանգի իրավունքի ապահովումը, տեսակցությունների կանոնակարգումը, մատյաններում արձանագրումների հստակեցումը, այդ թվում նաեւ` սահմանելով հարցաքննություններից հետո պարտադիր բուժզննումներ, որպեսզի դրանց ընթացքում բռնության կիրառումն անմիջապես արձանագրվի:
Թե ինչով է դա պայմանավորված` ըստ կուլիսային խոսակցությունների, ՙԿԳԲ-ի պադվալ՚ անունով հայտնի կալանավայրը նախապատրաստում են նրան, որ այդտեղի ՙբնակիչների՚ մեծ մասը շուտով լինելու են ոչ թե օպերատիվ գործողություններով հանցանքի վայրում բռնված մանր կաշառակերները, այլ մարդիկ, ովքեր մեղադրվելու են պետական հանցագործությունների համար: Կուլիսներում խոսում են, որ մայիսից հետո` Մաքսային միություն մտնելուց հետո ձեւավորված մթնոլորտը թույլ է տալու սկսել քրեական հետապնդում արեւմտյան գրանտներով սնվող կառույցների ղեկավարների նկատմամբ, որոնց արդեն անկաշկանդորեն ներկայացվելու են սահմանադրական կարգի դեմ կատարված եւ լրտեսական գործունեության մեղադրանքներ: Ու հենց ապագա կալանավորների կոնտինգենտի փոփոխությունով է պայմանավորված այն, որ շտապ իդեալական կարգի են բերվում ինչպես կենցաղային պայմանները, այնպես էլ` կալանավորների պահման արձանագրային մասը:
ՍԵՓ. ԼՐԱՏՎՈՒԹՅՈՒՆ
1
9764 դիտում
2
2251 դիտում
3
2225 դիտում
4
2093 դիտում
5
1960 դիտում
