ՄԱՍԻՍ ՀՈՒՆԱՆՅԱՆԸ ԱՆԱԿՆԱԿԱԼՆԵՐՈՎ ԼԻ ՀԱՄԵՐԳ Է ԽՈՍՏԱՆՈՒՄ

ՄԱՍԻՍ ՀՈՒՆԱՆՅԱՆԸ ԱՆԱԿՆԱԿԱԼՆԵՐՈՎ ԼԻ ՀԱՄԵՐԳ Է ԽՈՍՏԱՆՈՒՄ

Մայիսի 14-ին, Արամ Խաչատրյան մեծ համերգասրահում տեղի կունենա երիտասարդ ժողովրդական երգիչ ՄԱՍԻՍ ՀՈՒՆԱՆՅԱՆԻ «Ժպտում եմ, որովհետև երգում եմ» խորագրով մենահամերգը: Ի՞նչ երգեր են ներկայացվելու եւ ի՞նչ անակնկալներ է սպասվելու համերգին ներկա հանդիսականին «Իրավունքի» հետ զրույցում Մ. Հունանյանը պատմեց մեծ խանդավառությամբ ներկայացրեց, որ համերգը համեմված կլինի տարբեր ժանրերի երգերով, թե՛ էստրադային, թե՛ ժողովրդական, և թե՛ կոմպոզիտորական:

- Մասիս սա Ձեր առաջի՞ն մենահամերգն է:

- Այո, զինված եմ պատասխանատվության ամենաբարձր զգացումով: Հինգ տարեկանից երգել եմ բեմում, ունեցել մի քանի մենահամերգ, բայց այսպիսի համերգ, որտեղ ներկայանալու եմ որպես կայացած երգիչ, առաջին անգամ է:

- Ամբողջ երգացանկից որ երգը կառանձնացնեք Ձեզ համար, իբրեւ ամենահարազատ երգ:

- Բոլոր երգերը երգում եմ առանձնակի սիրով ու յուրովի մոտեցմամբ: Միայն կառանձնացնեմ այն երգը, որը երգարվեստում դարձավ իմ այցեքարտը: Այն ինձ հետ հավասար երգում են ամենուրեք: Խոսքը «Ծով ես, ծով ես» երգի մասին է, իսկ մնացած երգերս կմնան անակնկալ իմ սիրելի հանդիսատեսի համար:

- Իսկ անակնկալներ սպասվո՞ւմ է:

- Ցանկանում եմ, որ հնարավորինս անակնկալներով լի համերգ լինի: Մինչ այժմ համեգի պրոդյուսերի հետ քննարկվել ու հաստատվել են բազմաթիվ մտքեր, որոնք մեկ անգամ ևս կարդարացնեն հանդիսատեսի սպասելիքները: Համերգի երաժշտական խումբը կազմված կլինի ժամանակակից և ժողովրդական  նվագարաններով: Հպարտ եմ, որ աշխատելու եմ վաստակավոր արտիստների, լավ երաժիշտների հետ:

-  Այս համերգը Ձեզ համար...

- Այս մենահամերգն ինձ համար պատասխանատու և համարձակ քայլ է դեպի մեծ արվեստ:Սիրով սպասում եմ ու ուզում եմ կրկին միասին ժպտանք, երգենք, պարենք, ապրենք հուզումնալի պահեր:

ԶԱՌԱ ՍԱՐԳՍՅԱՆ