«ԵԼՔ ՉԿԱ» ՖԻԼՄԸ ԿՆԵՐԿԱՅԱՑՎԻ ԿԱՆՆԻ ԿԻՆՈՓԱՌԱՏՈՆՈՒՄ

«ԵԼՔ ՉԿԱ» ՖԻԼՄԸ ԿՆԵՐԿԱՅԱՑՎԻ ԿԱՆՆԻ ԿԻՆՈՓԱՌԱՏՈՆՈՒՄ

«Ելք Չկա» գեղարվեստական ֆիլմը մայիսի 21-ին կներկայացվի Կաննի միջազգային կինոփառատոնում: «Իրավունքի» հետ զրույցում ֆիլմի պրոդյուսեր, գլխավոր դերակատար ԿԱՄՈ ՈՒՆԱՆՅԱՆԸ հույս հայտնեց, որ  Կաննում ֆիլմը մեծ հաջողություններ կգրանցի. «Հուսով ենք, որ մեծ հաջողություններ կունենանք արդեն միջազգային ասպարեզում»:

Ի դեպ, վաղը` Ապրիլի 17-ին, ժամը 12:00-ին «ԱԶԴԱԿ» լրագրողական ակումբում տեղի կունենա «ԵԼՔ ՉԿԱ» գեղարվեստական ֆիլմի մամլո ասուլիսը: ֆիլմի ռեժիսոր ՎԱՀԵ ՍԱՅԱՆԸ եւ պրոդյուսեր, գլխավոր դերակատար ԿԱՄՈ ՈՒՆԱՆՅԱՆԸ Կաննի միջազգային կինոփառատոնին մեկնելուց առաջ կպատմեն , ոչ միայն կինոփառատոնին մասնակցության  այլ նաեւ ֆիլմի առաջիկա հաջողությունների մասին:

«Ելք չկա» գեղարվեստական ֆիլմի երեւանյան պրեմիերան կայացել է այս տավա փետրվարի 14-ին, իսկ մարտի 22-ին արդեն ԱՄՆ-ում, որից հետո կնքվեց մասշտաբային ցուցադրման պայմանագիր, որը տեղի կունենա հունիս ամսվա կեսերին: Ապրիլի 4-ին Բելգիայում նույնպես կայացավ «Ելք Չկա» ֆիլմի պրեմիերան: Rec Time փրոդաքշնը կնքել է պայմանագիր Ռուսաստանի ALL MEDIA խոշորագույն ընկերության հետ: Մարտի 13-ին Մոսկվայում կայացավ հանդիպում ընկերության ներկայացուցչի հետ, ով ֆիլմը դիտելուց հետո տպավորված առաջարկեց կրկնօրինակել այն: Աշնանը «Ելք Չկա» գեղարվեստական Ֆիլմը կցուցադրվի Ռուսաստանի 6 քաղաքներում:

ԼԻԼԻԹ ԵՂԻԱԶԱՐՅԱՆ