ԱՅԼԱՍԵՌՈՒՄ ՏԱՐԱԾՈՂՆԵՐԻ ՔՆՆԱՐԿՈՒՄՆԵՐԸ ԲԱՑԱՌԱՊԵՍ ՓԱԿ ՖՈՐՄԱՏՈՎ

ԱՅԼԱՍԵՌՈՒՄ ՏԱՐԱԾՈՂՆԵՐԻ ՔՆՆԱՐԿՈՒՄՆԵՐԸ ԲԱՑԱՌԱՊԵՍ ՓԱԿ ՖՈՐՄԱՏՈՎ

Երեկ այլասեռում տարածող հկ-ներից մեկը` «Հասարակություն առանց բռնության» հասարակական կազմակերպությունը, «Կոնգրես» հյուրանոցում կազմակերպել էր 2012-2013 թթ. իրականացված «Գենդերային ուսուցման ինտեգրումը ՀՀ հանրակրթական դպրոցի ուսումնական պլան»: Կլոր սեղանի միջոցով մասնակիցները պետք է ամփոփեին հստակ ծրագիր: Քննարկման ընթացքում պետք է ներկայացվեր նաեւ «Գենդերային բաղադրիչի ներառումը հասարակագիտություն առարկայի մեջ» առաջարկությունների փաթեթը, որը որոշակի աժիոտաժ է առաջացրել հանրակրթության ոլորտում: Սակայն ինչպես եւ սպասելի էր վերոնշյալ գաղափարը դրական արձագանքի չէր արժանացել, նախ սկզբից հայտարարվել է, թե քննարկումը փակ ֆորմատով է, ապա խոչընդոտվել է նաեւ լրագրողների աշխատանքը: Քննարկմանը ներկա գտնվելու ցանկություն ունեցողների եւ կազմակերպիչների միջեւ վեճ է առաջացել, որին խառնվել են նաեւ տվյալ հյուրանոցի անվտանգության աշխատակիցները: Դեպքի մասին առավել մանրամասն զրուցեցինք  վերոնշյալ հկ-ի կողմից մեղմ ասած բացասական վերաբերմունքի արժանացած  «Ազգային արժեքների պահպանման ճակատ» հկ-ի նախագահ ՍԵՒԱՆ ԱՂԱՋԱՆՅԱՆԻ հետ.

-Երեկ Կոնգրես Հյուրանոցում տեղի ունեցավ «Հասարակություն առանց բռնության» հկ-ի ժողովը՝ «Գենդերային ուսուցման ինտեգրումը ՀՀ հանրակրթական դպրոցի ուսումնական պլան» ծրագրի վերաբերյալ: Թեպետ այն համարվում էր բաց, այդուհանդերձ շատ լրագրողների պարզապես արգելեցին ներս մտնել, պատճառաբանելով, որ նրանք չեն զանգահարել գրանցվելու համար: Կար պայմանավորվածություն,բայց շատերը գրանցվել էին,որպեսզի մասնակցեն, սակայն կազմակերպիչները ճանաչելով մեզ ՝ անուները ցուցակից հանել էին: Լրագրողներից ոմանք պնդում էին, որ իրենք նախօրոք գրանցվել էին, սկայն ինչ-ինչ պատճառներով նրանց անունները հեռացվել էր ցուցակից: Այդ կլոր սեղանին պետք է ներկայացվեր Գենդերային բաղադրիչի ներառումը Հասարակագիտություն առարկայի մեջ առաջարկությունների փաթեթը: Խառնաշփոթը սկսվեց այն ժամանակ, երբ մենք ցանկանում էինք ներս մտնել, իսկ մեզ չէին թողնում թե՛ կազմակերպիչները, թե՛ հյուրանոցի անվտանգության աշխատակիցները՝ պատճառաբանելով ուղղակի փակ է: Քննարկումը կայացավ, բայց կարելի է հաշվի առնել այն հանգամանքը, որ շատերը, ովքեր հրավիրված էին մասնակցելու այդ կլոր-սեղանին՝ մեզ տեսնելով այնտեղ՝ բոյոկտեցին և դուրս եկան:Ես ցավով պետք է նշել, որ թեպետ նրանք ներկայացնում են «Հասարակություն առանց բռնության» հկ-ն, միաժամանակ նրանք առաջինն էին, որ հրահրեցին Լրագրողներին և Հկ-ների անդամներին՝ չթողնելով մասնակցել ժողովին՝ հասկանալի պատճառներով: Պետք է պայքարն ավելի ուժեղացնել, ավելի միասնական լինել՝ նրանց և նրանց ծրագիրը տապալելու համար:Իրենց  ծրագրերը ակնհայտ վտանգ են ներկայցնում ողջ հայ մարդկությանը:Իմ մտահոգությունը մեր սերնդի ապագան է:Այսինքն` ստացվում է, որ չկարողանալով փաստարկներ ներկայացնել այն պնդումների դեմ, որ գենդերն անձի սոցիալական սեռն է, որը կարող է և տարբեր լինել նրա ֆիզիոլոգիական սեռից, և որ գենդերային բաղադրիչի ներդրումը մեր օրենսդրության մեջ միասեռականության և այլասերվածության այլ դրսևորումների անարգել քարոզչության հնարավորություն է ընձեռում, «Հասարակություն առանց բռնության» ՀԿ-ն որոշել էր իր կլոր սեղանը փակ կազմակերպել, ընդ որում, փակ` նաև լրագրողների համար:

ՍՈՍԵ ՉԱՆԴՈՅԱՆ