ՈՐՔԱՆ ԱՊՐԻԼԻ 24-ԻՆ ՄՈՏ ԱՅԴՔԱՆ ՍԱՐՍԱՓԸ ՍՐՏՆԵՐՈՒՄ

ՈՐՔԱՆ ԱՊՐԻԼԻ 24-ԻՆ ՄՈՏ ԱՅԴՔԱՆ ՍԱՐՍԱՓԸ ՍՐՏՆԵՐՈՒՄ

Թուրքիայի արտաքին գործերի նախարար Ահմետ Դավութօղլուն  Haber7 հեռուստաալիքին տված հարցազրույցում հայտարարել է, որ Հայոց ցեղասպանության հարցը չի մտնի Սենատի մեծ օրակարգ։

Ավելի վաղ Թուրքիայի իշխող «Արդարություն և զարգացում» կուսակցության ղեկավար խորհրդի անդամ Մազհար Բաղըլըն հայտարարել էր, որ եթե Միացյալ Նահանգները հաշվի չառնի Թուրքիայի շահերը, ապա երկու երկրների միջև հարաբերությունները կվատանան:

Երեկ էլ Թուրքիայի վարչապետ Ռեջեփ Թայիփ Էրդողանը կոչ է արել Վաշինգտոնին անել հնարավոր ամեն ինչ, որպեսզի 1915 թվականին տեղի ունեցած Հայոց Ցեղասպանության վերաբերյալ թեման բացասական ազդեցություն չունենա թուրք-ամերիկյան հարաբերությունների վրա:

Ինչպես հայտնում է CNN Turk հեռուստաընկերությունը, ԱՄՆ Կոնգրեսի ներկայացուցիչների պալատի խոսնակ Ջոն Բեյների գլխավորած պատվիրակության հետ հանդիպման ժամանակ Էրդողանը հատուկ շեշտադրում է կատարել Հայոց Ցեղասպանության թեմայի վրա:

Իր հերթին Բեյները ասել է, որ 1915 թվականի դեպքերը պատմաբաններ գործն է, այլ ոչ թե քաղաքական գործիչների:

Դե ինչ որքան մոտենում է ապրիլի 24-ը, այնքան թուրքական ԶԼՄ-ներն ու իշխանավորները խուճապի մեջ են հայտնվում:

Ա. ՀԱԿՈԲՅԱՆ