«ԲԱՐՍԵԼՈՆԱՅԻ» ԵՐԲԵՄՆԻ ԵՐԿՆԱՅԻՆ ՖՈՒՏԲՈԼՆ ԻՋԵԼ Է ՈՉ ԹԵ ԵՐԿԻՐ, ԱՅԼ ԱՆՑԵԼ՝ ԸՆԴՀԱՏԱԿ

«ԲԱՐՍԵԼՈՆԱՅԻ» ԵՐԲԵՄՆԻ ԵՐԿՆԱՅԻՆ ՖՈՒՏԲՈԼՆ ԻՋԵԼ Է ՈՉ ԹԵ ԵՐԿԻՐ, ԱՅԼ ԱՆՑԵԼ՝ ԸՆԴՀԱՏԱԿ

Մինչ կատալանոական «Բարեսլոնայի» գլխավոր մազիչ՝Խերարդո Մարտինոն մտածում է թե ի՞նչ է պակասում թիմի խաղին, կատալոնացինեը շարունակում են հիասթափեցնել երկրպագուներին: Չեմպիոնների լիգայում անհասկանալի, անսպասելի եւ միեւնույն ժամանակ ամոթալի խաղից հետո, երբ Խերարդո Մարտինոյի սաները երկու խաղերի արդյունքում 1:2 հաշվով զիջեցին Մադրիդի «Աթլետիկոյին» եւ դուրս մնացին Չեմպիոնների լիգայի ընթացիկ խաղարկության քառորդ եզրափակիչ փուլից, բավական չէր,  Իսպանիայի առաջնության 33-րդ տուրում «Բարսելոնան» արտագնա խաղում նվազագույն հաշվով պարտություն կրեց «Գրանադայից»: Ինչը խոսում է այն մասին, որ թիմում իսկապես խնդիրերը լուրջ են, եթե Չեմպիոնների լիգայի դեպքում, «Աթլետիկոյին» հսկայական ուժ եւ մոտիվացիա էր տալիս այն փաստը, որ վերջիններս 40 տարի է ինչ Չեմպիոնների լիգայի խաղարկության կիսաեզրափակչում չեն եղել, ապա «Գրանադային» պարտվելու համար մի այդպիսի մեծ ուժ հենց «Բարսային» էր հարկավոր: Խնդիրն այն չէ, որ թիմը պարտավոր է միշտ հաղթել, հասկանալի է, որ յուրաքանչյուր ակումբում էլ լինում են ճգնաժամային պահեր, այստեղ հարցն այլ է, ստեղծված կարծիքը, որ «Բարսայի» ֆուտբոլիստներին այլեւս ոչինչ չի հետաքրքրում գնալով հաստատվում է: Ինչն արդեն շատ ավելի է բարդացնում իրավիճակը: Իսպանիայի առաջնության մրցաշարային աղյուսակում «Բարսելոնան» այս պահին միայն երրորդն է, ու դեռ հարց է ինչ «անակնկալներ» է պատրաստում թիմը երկրպագուների համար մինչ մրցաշրջանի ավարտը: Չեմպիոնների լիգան արդեն անցյալում է, մնում է կենտրոնանալ Իսպանիայի գավաթի խաղարկության վրա, որտեղ կատալոնացիների մրցակիցը՝ «Ռեալն» է: Մրցաշրջանի ընթացքում տապալել բոլոր մրցաշարերը միաժամանակ մի փոքր շատ է, անգամ այլեւս ոչ մի ձգտում չունեցող թիմի համար…

ՔՐԻՍՏԻՆԵ ՊԵՏՐՈՍՅԱՆ