«ՍԵՎ, ԴԱՌԸ ՇՈԿՈԼԱԴ» ` ԴՐԱՄԱՏԻԿԻ ԲԵՄՈՒՄ

«ՍԵՎ, ԴԱՌԸ ՇՈԿՈԼԱԴ» ` ԴՐԱՄԱՏԻԿԻ ԲԵՄՈՒՄ

Ապրիլի 15, 16-ին Հրաչյա Ղափլանյանի անվան դրամատիկական թատրոնում տեղի կունենա Սուրեն Շահվերդյանի բեմադրությամբ «Սեւ, դառը շոկոլադ» ներկայացման առաջնախաղը: Այն երգչուհի Էմմա Պետրոսյանի եւ Սուրեն Շահվերդյանի համատեղ աշխատանքն է, իսկ դերերում հանդես են գալիս Արամոն եւ դերասանուհի Լուիզա Ղամբարյանը: Էմման դժվարացավ պատմել, թե ինչպես ստեղծվեց ներկայացման սցենար գրելու գաղափարը, բայց հստակ նշեց.«Վաղուց է,  ինչ ցանկանում էի իմ ներքինն արտահայտել: Ի սկզբանե, սցենարը գրելիս, որպես հերոս պատկերացրել եմ Արամին: Իսկ թե ո՞վ կլիներ կնոջ կերպարում, դեռ չէի մտածել: Սա իմ առաջին փորձն էր: Կարծում եմ` կհավանի հանդիսատեսը»:

Իսկ, թե ինչո՞ւ հենց «Սեւ, դառը շոկոլադ» Սուրեն Շահվերդյանը չբացելով փակագծերը նշեց. «Որովհետեւ ցանկանում ենք, որ գաք ներկայացմանը եւ ներկայացման ամենավերջին հատվածում կբացահայտվի, թե ինչո՞ւ սեւ դառը շոկոլադ»,- նշեց Սուրենն ու հավելեց, որ վերնագրում առավել ընդգծված է շոկոլադ բառը, որովհետեւ. «Դա շոկ է, երբ 2-ը` կին ու տղամարդ մնում են վերելակում ու չգիտեն` այնտեղից դուրս կգա՞ն թե ոչ: Ներկայացումն անտրակտ-մտորում է. կի՞նն է իրավացի, թե՞ տղամարդը, այստեղ փակագծերը բաց են` յուրաքանչհյուր հանդիսատես, ով դիտի ներկայացումն ինքն իր մեջ կվերլուծի, թե ով է մեղավոր եւ մեծ մեղքի բաժինը կգտնի իր մեջ»:

ԼԻԼԻԹ ԵՂԻԱԶԱՐՅԱՆ