ՉԼԻՆԵ՛ՆՔ ԱՆՏԱՐԲԵՐ. ՓՈՔՐԻԿ ՀԱՅԿԸ ՇԱՐՈՒՆԱԿՈՒՄ Է ՊԱՅՔԱՐԵԼ ԻՐ ՀԵՏԱԳԱ ԱՌՈՂՋ ԿՅԱՆՔԻ ՀԱՄԱՐ

ՉԼԻՆԵ՛ՆՔ ԱՆՏԱՐԲԵՐ. ՓՈՔՐԻԿ ՀԱՅԿԸ ՇԱՐՈՒՆԱԿՈՒՄ Է ՊԱՅՔԱՐԵԼ ԻՐ ՀԵՏԱԳԱ ԱՌՈՂՋ ԿՅԱՆՔԻ ՀԱՄԱՐ

3-ամյա Հայկին, որին արդեն շատերս ենք ճանաչում իր բարի ժպիտով ու իր կողքին ունենալով հերոս մայրիկ, ով միայնակ փոքրիկի ծնունդից ի վեր պայքարում է հանուն նրա առողջ մանկության, այսօր էլ ունի ձեր եւ մեր օգնության կարիքը: Հայկն ի ծնե կոնքազդրային խնդիրներ ունի, ինչի պատճառով չի քայլում, ինքնուրույն չի նստում: Եվ այսօր, Աստծո կամոք, արդեն մի քանի շաբաթ է Հայկն ու իր մայրիկը` ՊԱՅԾԱՌ ՆԵՐՍԵՍՅԱՆԸ գտվում են Մոսկվայում: Փոքրիկի ճակատագրով մտահոգ` «Իրավունք» թերթը կապ հաստատեց տիկին Պայծառի հետ:

- Ինչպես գիտենք, փոքրիկի հետ Մոսկվայում եք` որոշակի ստուգումներ անցնելու համար, ի՞նչ ասացին բժիշկները:

-Առայժմ մենք հետազոտությունների փուլ ենք անցնում, սկսել ենք թերապիաները: Օրեկան երեք տարբեր թերապիաներ ենք անցնում: Ցավոք, Հայաստանում զիջում ենք բժշկական, մասնագիտական եւ տեխնիկական հարցերում: Հայկիս հետազոտում են կլինիկայի բաժնի վարիչները, շատ սիրալիր վերաբերմունք են դրսեւորում, համբերատար ու սիրալիր պատասխանում են բոլոր հարցերին: Բժիշկներն ասացին, որ եթե վաղուց սկսեինք այս մեթոդով պարապել ու լինեինք իրենց հսկողության տակ, շատ ավելի մեծ արդյունք կունենայինք: Նաեւ դեղորայքային բուժում են նշանակել: Զարմանում են, որ ասում եմ մեզ դեղեր չեն նշանակել` լարվածության, տոնուսի համար: Ասացին պիտի պարբերաբար խմեր դեղերը, որ այսքան լարվածություն չունենար:

- Փոքրիկի հետագա բուժումը շարունակելու համար ի՞նչ է պետք անել:

- Վիրահատությունն անհրաժեշտ է, բայց երեխան պետք է պարտադիր պատրաստ լինի լարվածությունը, տոնուսը կարգավորելուց հետո միայն, ինչն արդեն սկսել ենք: Իսկ վիրահատությունը իրենք խորհուրդ տվեցին, որ արվի Գերմանիայում:

- Եթե չեմ սխալվում, շուտով կազմակերպվում է բարեգործական համերգ, որի ողջ հասույթը տրամադրվելու է փոքրիկ Հայկի բուժմանը, ի՞նչ կցանկանաք այս պահին ասել համերգի մասնակիցներին եւ հանդիսատեսին:

- Ապրիլի 28-ին, ժամը 19:00-ին, Առնո Բաբաջանյան համերգասրահում տեղի կունենա բարեգործական համերգ, իսկ բացի բարեգործական համերգից, որի հասույթը ամբողջությամբ պետք է փոխանցվի Հայկի հաշվեհամարին, մայիսի 7-ին, ժամը 19:00-ին, կազմակերպվում է նաեւ բարեգործական ընթրիք, որի հասույթը պետք է բաժանվի խնդիր ունեցող չորս երեխաների միջեւ: Անչափ շնորհակալ եմ բոլոր այն մարդկանց, ովքեր մինչեւ այսօր մեր կողքին են ու աջակցում են մեզ: Շնորհակալ եմ բոլոր փոխանցում անողներին: Վստահ եմ` հարյուրապատիկ կվերադառնա իրենց , թող բոլորն առողջ լինեն, անփորձանք, իրենց բալիկների երջանիկ ժպիտները տեսնեն: Աստված օրհնի բոլորիդ: Համերգի կազմակերպիչներին ու մասնակիցներին հատուկ շնորհակալություն եմ ուզում հայտնել:

- Բացի վերոնշյալ նախաձեռնությունից, ոչ անտարբեր հանրությունը ինչպե՞ս կարող է աջակցել իր հետագա առողջ կյանքի համար պայքարող Հայկին:

-Փոքրիկիս հետագա կյանքը փոխելու համար հաշվեհամար է բացվել VTB բանկում` իմ անունով (Պայծառ Ներսեսյան, հեռ.`093 58 66 21):

AMD 16046032978400

RUS 16046032978403

USD 16046032978401

EUR 16046032978402

Ինչպես նաեւ կարող են փոխանցում կատարել ArCa քարտով`

6769 3071 0003 1522:

Եվ կարող են 18 կոդը ուղարկել 1907 կարճ համարին ու փոխանցիր 500 դրամ` օգնելով Հայկիս ապրել: SMS կարող են ուղարկել միայն Beeline Armenia-ի ու VIVACELL-MTS-ի բաժանորդները: Ուղարկվելիք SMS-ների քանակը սահմանափակված չէ: Անկախ նրանից` ձեր ուղարկած SMS-ի հաստատումը կստանաք պատասխան SMS-ի տեսքով, թե՝ ոչ, ձեր նվիրատվությունը կընդունվի:

- Իսկ ե՞րբ եք պատրաստվում վերադառնալ:

- Մեկ ամիս ու կես պետք է մնանք կլինիկայում, հետագան կախված է երեխայի վիճակից:

- Հայկին առողջություն ենք մաղթում եւ այս պայքարում Ձեզ եւ փոքրիկին փայլուն հաղթանակ: Հուսանք, որ մարդիկ անտարբեր չեն լինի եւ կաջակցեն Ձեզ:

- Իսկ ես, ամենակարեւորը ցանկանում եմ իմ տունը, իմ երկիրը, իմ Հայաստանը այնքան հզորանա ու բարգավաճի, որ չըկնենքն դռնեդուռ ու Ձեր կողմից առաջադրած բժիշկների վերաբերյալ հարցերն էլ չշրջանցենք, որպեսզի չվատաբանենք մերը:

ՀՐԱՆՏ ՍԱՐԱՖՅԱՆ