Երեկ ժամը 6:30-ի սահմաններում Եզնիկ Կողբացի 42 շենքի մոտ տեղակայված աղբանոցում հրդեհ էր բռնկվել: Եվ, ինչպես բնակիչներն են ասում. ՙ
Եթե ժամանակին չնկատեինք եւ հրշեջ ծառայությանը տեղյակ չպահեինք, հնարավոր է, որ կրակը հասներ կողքը` գազի խողովակներին, եւ ողջ շենքը մի վայրկյանի ընթացքում` աղբ տեղափոխող ծառայության անուշադրության պատճառով օդ ցնդեր, պայթեր՚: Թե ինչն է հրդեհի հետեւանքը, դեպքի վայր ժամանած հրշեջ ծառայության աշխատակից, լեյտենանտ Ղազարյանն ասաց. ՙՉենք կարող ասել, թե ինչի հետեւանքով է հրդեհ բռնկվել, հետեւանքները մենք չենք որոշում՚: Իսկ 42 շենքի լիազոր, ինչպես նաեւ բնակիչ Նելլի Ղազարյանը, լսելով մեր հարցը պատշգամբից ասաց. ՙԻնչի± հետեւանքով պետք է լինի, սա առաջին դե±պքն է: Ամեն անգամ էլ նման հրդեհ լինում է էս աղբանոցում: Ու էդ նրանից է, որ թաղապետարանից ժամանակին չեն բարեհաճում գան, իրենց գործը անեն` աղբը տանեն: Տանելուց էլ մանր-մունր բաներն են տանում, էս կարդոնները, պլաստմասե իրերը չեն տանում: Որ զանգում ասում էլ ենք, պատասխանում են` դե հիմա եկել, մեր գործը արել, գնացել ենք, էդ` մյուս անգամ: Ցավն էլ այն է, որ էդ իրենց ասած մյուս անգամն էլ, մեծ աղբերը չեն տանում: Սպասում են, որ աղբը հասնի մինչեւ շենքի պատուհաններին, նոր գալիս տանում են՚: ԻԼՈՆԱ ԱԶԱՐՅԱՆ
1
9827 դիտում
2
2258 դիտում
3
2225 դիտում
4
2093 դիտում
5
1960 դիտում
