"ՀԻՎԱՆԴ ԵՐԵԽԱՆԵՐԻ ՄԵԾ ՀՈՍՔ ԳԱԼԻՍ Է ՄԱՐԶԵՐԻՑ"

"ՀԻՎԱՆԴ ԵՐԵԽԱՆԵՐԻ ՄԵԾ ՀՈՍՔ ԳԱԼԻՍ Է ՄԱՐԶԵՐԻՑ"

Չնայած նրան, որ Առողջապահության նախարարությունից նշում են, որ սուր շնչառական վարակների նվազում է գրանցվում, այնուամենայնիվ, համենայնդեպս  երեխաների շրջանում դեռեւս նկատվում է սուր շնչառական վարակներով հիվանդացության դեպքեր: Թե, ինչով է պայմանավորված այն, որ երեխաների շրջանում, փաստորեն վարակների նվազում այդպես էլ չի նկատվում, հարցով դիմեցինք ԱՆ պետական հիգիենիկ հակահամաճարակային տեսչության գլխավոր մասնագետ, բժիշկ-համաճարակաբան Լիաննա Թորոսյանին:

- Հայաստանի Հանրապետությունում դիտվում է առաջնային բժշկական կազմակերպությունների սուր շնչառական վարակներով դիմելիության նվազում` համեմատած նախորդ տարվա միեւնույն ժամանակահատվածի հետ: Սակայն երեխաների դիմելիության աշխուժացումը մանկական պրոֆիլի բժշկական օգնություն եւ սպասարկում իրականացնող կազմակերպություններում շարունակվում է: Հարուցիչ Երեխաների դիմելությունը հիմնականում արձանագրվում է մարզերից, այնտեղից է սուր շնչառական վարակներով հիվանդ երեխաների մեծ հոսք գալիս: Սակայն, պետք է ասեմ ծանր դեպքեր չեն արձանագրվում, իսկ այն երեխաները, ովքեր դիմում են ստանում են համապատասխան բուժում եւ առողջացումով դուրս գրվում:

Անդրադառնալով մեծահասակների շրջանում վարակների տարածմանը մասնագետը նշեց.

- Մեծահասակների առումով կարելի ասել, որ ստացիոնարներում հատուկենտ դեպքեր են, վերակենդանացման բաժանմունքներում եւս չունենք վիրուսային թոքաբորոբերով հինանդներ: Այսինքն մեծահասակների առումով հարաբերական հանգիստ վիճակ է:

ԻԼՈՆԱ ԱԶԱՐՅԱՆ