ՍՏԱՑՎԱԾ ՈՂՋ ՀԱՍՈՒՅԹԸ ՓՈԽԱՆՎԵՑ ՀԱՅՈՑ ԲԵՐԻՈՅ ԹԵՄԻ ԱՌԱՋՆՈՐԴԱՐԱՆԻ ԿՈՂՄԻՑ ԲԱՑՎԱԾ ՀԱՇՎԵՀԱՄԱՐԻՆ

ՍՏԱՑՎԱԾ ՈՂՋ ՀԱՍՈՒՅԹԸ ՓՈԽԱՆՎԵՑ ՀԱՅՈՑ ԲԵՐԻՈՅ ԹԵՄԻ ԱՌԱՋՆՈՐԴԱՐԱՆԻ ԿՈՂՄԻՑ ԲԱՑՎԱԾ ՀԱՇՎԵՀԱՄԱՐԻՆ

Քեսաբի հայերի տարհանման հարցը թերեւս մնում է ամենակարեւոր եւ հրատապ թեմաներից մեկը: Հարկ է նկատել, որ տեղի հայությանն աջակցելու համար Հայաստանում տարբեր կազմակերպություններ դրամահավաքներ են կազմակերպում, սակայն թե ինչպես են վատնվում այդ գումարները կամ ում են փոխանցվում մնում է հարցական:

Այսպիսով, դեռ ապրիլի 6-ից  «Մայրաքաղաքը Յուրաքանչյուրիս» եվ «Ազգային արժեքների պահպանման ճակատ» հասարակական կազմակերպությունները Քեսաբից տարհանված հայերին աջակցելու համար բարեգործական դրամահավաք են կազմակերպել: Իսկ այսօր՝ ապրիլի 9-ին, ժամը 14:30 ին դրամահավաքից ստացված ողջ հասույթը  վերոնշյալ կառույցների անդամները փոխանցեցին Հայոց Բերիոյ Թեմի Առաջնորդարանի կողմից բացված հաշվեհամարին: Գումարը փոխանցվեց Կասկադի հարևանությամբ գտնվող Converse Bank-ի միջոցով:

Ինչպես նշեց «Ազգային արժեքների պահպանման ճակատ» հասարակական կազմակերպության նախագահ Սևան Աղաջանյանը. «Դրամահավաքն անցկացվել է երեք օր, ստացված ողջ հասույթն ուղարկել ենք Հայոց Բերիոյ Թեմի Առաջնորդարանի կողմից բացված հաշվեհամարին: Մենք մեծ ցանկություն ոնենք աջակցելու մեր հայրենակիցներին, Քեսաբից տարհանված հայերը պետք է իմանան, որ եթե ոչ ֆիզիկապես ապա հոգեպես իրենց հետ ենք: Կարծում եմ, որ դրամահավաք իրականացնող ցանկացած կազմակերպություն պետք է հետեւի մեր օրինակին` գործի պարզ ու թափանցիկ: Այս երեք օրվա ընթացքում հասկացա մի բան, որ բոլորն էլ սրտացավ են քեսաբահայերի համար, սակայն սոցիալական ծանր վիճակը շատերին թույլ չի տալիս մեծ նվիրատվություններ կատարել: Ամեն դեպքում դրամահավաքին մասնակցած յուրաքանչյուր անձի շնորհակալություն ենք հայտնում»:

ՍՈՍԵ ՉԱՆԴՈՅԱՆ