ՙՕՐԵՆՔՈՎ ԳՈՂԻՆ՚ ԾԵԾԵԼՈՒ ՀԵՏԵՎԱՆՔՆԵՐԸ

ՙՕՐԵՆՔՈՎ ԳՈՂԻՆ՚ ԾԵԾԵԼՈՒ ՀԵՏԵՎԱՆՔՆԵՐԸ

Հայաստանի քրեական աշխարհում ՙօրենքով գող՚ Օշականցի Գեւորիկին ծեծելու մասին շրջանառվող լուրերի շուրջ կրքերը գնալով թեժանում են: Հայտնի է, որ հանցաշխարհի օրենքներով ՙօրենքով գողին՚ ծեծելն անպատվություն է եւ, ըստ վերջին օրերին շրջանառվող խոսակցությունների` նման փաստի ապացուցման դեպքում կարող է ընդհուպ առաջանալ տվյալ ՙօրենքով գողին՚ կարգավիճակից զրկելու հարց:
Միաժամանակ նրան ծեծողները եւս պետք է պատասխան տան ՙօրենքով գողին՚ ծեծելու համար, հիմնավորեն իրենց գործողությունները, հակառակ պարագայում` լուրջ խնդիրներ կունենան:
Ըստ նույն խոսակցությունների` ՙօրենքով գողին՚ ծեծելու համար հանցավոր աշխարհում պարզաբանումներ են պահանջել երրորդմասցի Լյովիկից, քանի որ միջադեպը հենց նրա անվան հետ է կապվում: Տարածված խոսակցությունների համաձայնª վեճը սկսվել է մի հեռախոսազանգից, որի ժամանակ նրա տղաներից մեկը հայհոյել է ՙօրենքով գողին՚ª հետագայում պատճառաբանելով, թե չի իմացել, թե ում հետ  է խոսում: Դրանից հետո Օշականցի Գեւորիկը մի քանի ավտոմեքենաներով գնացել է հայհոյանքի համար պարզաբանում պահանջելու, որտեղ էլ սկսվել է ծեծկռտուքը:
Թե ինչ է սպասվում քրեական աշխարհում հայտնի Օշականցի Գեւորիկին, եթե պարզվի, որ նա է մեղավոր ստեղծված իրավիճակի համար, փորձեցինք հետաքրքրվել հայտնի քրեագետ ՍԵՐԳԵՅ ԳԱԼՈՅԱՆԻՑ, ով անդրադառնալով վերոնշյալ խոսակցություններին` մասնավորապես նշեց.
- Վերջերս խոսակցություններ տարածվեցին, որ ինչ-որ ծեծկռտուք է եղել Օշականցի Գեւորգի եւ ոմն երրորդմասցի Լյովիկի միջեւ: Պետք է նշեմ, սակայն, որ այդ խոսակցությունները դեռեւս չհիմնավորված, առանց փաստերի խոսակցություններ են, որոնց մասին ստույգ ոչինչ ասել չեմ կարող. փաստեր ոչ ես ունեմ, ոչ էլ, ըստ երեւույթին, այդ խոսակցությունները տարածողները: Ինչ վերաբերում է ՙօրենքով գողին՚ ծեծելուն, ապա, առհասարակ, անկախ նրանից, թե ով է նման բան արել, ապա պետք է կամ հրապարակայնորեն ներողություն խնդրի կամ էլ` ՙօրենքով գողը՚, այս դեպքում Օշականցի Գեւորիկը, պետք է զրկվի իր կարգավիճակից: Սակայն կրկին ուզում եմ շեշտել, որ դեռ ոչինչ ստույգ հայտնի չէ:
- Քրեական աշխարհի օրենքներով պատիժը իրենից ենթադրում է ՙօրենքով գողի՚ կարգավիճակից զրկե±լը:
- Ոչ միայն. հազար ու մի ձեւեր կան: Եվ եթե իսկապես ապացուցվի, որ Օշականցի Գեւորիկը իրոք մեղավոր է, ապա նա կպատժվի քրեական աշխարհում ընդունված համապատասխան պատիժներով:
Անդրադառնալով Օշականցի Գեւորիկի քրեական անցյալին` քրեագետը նշեց.
- Դեռեւս ոչինչ ասել չեմ կարող, նոր եմ սկսում իր մասին քրեական պատմությունը ուսումնասիրել: Անկասկած, նա քրեական աշխարհում հայտնի անձնավորություն է, բայց թե կոնկրետ ի±նչ գործերում է եղել, ի±նչ է արել, ես ինքս հստակ չգիտեմ:

ԻԼՈՆԱ ԱԶԱՐՅԱՆ