ՀԱՄԵՐԳ՝ ՆՎԻՐՎԱԾ ԱԲԳԱՐ ՄՈՒՐԱԴՅԱՆԻ 70-ԱՄՅԱ ՀՈԲԵԼՅԱՆԻՆ

ՀԱՄԵՐԳ՝  ՆՎԻՐՎԱԾ ԱԲԳԱՐ ՄՈՒՐԱԴՅԱՆԻ 70-ԱՄՅԱ  ՀՈԲԵԼՅԱՆԻՆ

Արամ Խաչատրյան համերգասրահում երիտասարդական նվագախումբը ներկայացրեց  ՀՀ վաստակավոր արտիստ, պրոֆեսոր, կլառնետահար Աբգար Մուրադյանի 70-ամյա հոբելյանին նվիրված երեկոն:

Բազում ուսանողներ փայլուն կատարողական վարպետությամբ ներկայացրին իրենց ուսուցչի ստեղծագործական ուղին. ուսանողների թվում էր նաև որպես մենակատար հանդես եկող Դավիթ Գյուլամիրյանը:

«Ժպտերես, անսահման և անմնացորդ նվիրված ուսանողներից յուրաքանչյուրին, պատասխանատվությամբ և եռանդով լեցուն…»,-ահա այս ջերմ խոսքերով բնութագրեց մանկավարժ Աբգար Մուրադյանին Դավիթը:

Դիրիժոր Սերգեյ Սմբատյանի ՝ Աբգար Մուրադյանի  նկարագիրը նույնպես առավել քան խոսուն է. «Յուրաքանչյուր մարդ, ով Աբգար Մուրադյանի հետ գեթ մեկ անգամ առնչվելու հնարավորություն է ունեցել, այսօր էլ խորը ակնածանքով է հիշում նրան՝ մարդու, ով այնքան խնամքով սերնդեսերունդ է փոխանցել տարիների կուտակած գիտելիքներն ու փորձը: Ինչքան սեր ու ջերմություն է տվել նա շրջապատին, քանի ու քանի անգամ ենք ղեկավարվել նրա թանկագին խորհուրդներով»:

Սերգեյ Սմբատյանը կարծում է նաև, որ համերգային ծրագիրն այն ամենափոքր միջոցն է, որով կարելի է հարգանքի տուրք մատուցել այդ իրավամբ մեծ ու  իսկական երաժշտին:

Աբգար Մուրադյանը՝ անվանի կլառնետահար, ՀՀ վաստակավոր արտիստ, պրոֆեսոր, ծնվել է 1944թ.-ին Երևանում:  1971 թ.-ին ավարտել է Երևանի Կոմիտասի անվան պետական  կոնսերվատորիայի փողային նվագարաններկ բաժինը՝ իր արժանի տեղը գրավելով հանրապետության առաջատար մենակատարների շարքում:  1966-ից՝ Հայաստանի Ռադիոյի և հեռուստատեսային սիմֆոնիկ նվագախմբի ստեղծման օրվանից, գեղարվեստական  ղեկավար ու դիրիժոր Օհան Դուրյանի հրավերով շուրջ 3 տասնամյակ աշխատել է նվագախմբում ՝ որպես կլառնետահարների խմբի կոնհցերտմայստեր: Որպես հրավիրված երաժիշտ՝ ընդգրկվել է Հայստանի ֆիլհարմոնիկ, Հայաստանի պետական փողային, Պետական կամերային նվագախմբերում: Մուրադյանը համագործակցել է մեծանուն երաժիշտների հետ տարբեր կատարողական կազմերում, բազմաթիվ ելույթներ է ունեցել որպես մենակատար: Ունի ֆոնդային ձայնագրություններ Հայստանի Հեռուստառադիոյում՝ ավելի քան 300 րոպե ընդհանուր տևողությամբ:

Կատարողական գործունեությանը զուգընթաց՝ Ա. Մուրադյանը դասավանդել է Ղ.Սարյանի անվնան արվեստի դպրոցոմ, Ռոմանոս Մելիքյանի անվան երաժշտական ուսումնարանում, Երևանի պետական կոնսերվատորիայում: Նրա նվագացանկն ընդգրկում է տարբեր ժամանակաշրջանների, տարբեր հեղինակների կողմից կլառնետի համար գրված գրեթե բոլոր ստեղծագործությունները: Առանձնահտուկ ներդում ունի երաժիշտը ժամանակակից հայ կոմպոզիտորներկ նոր երկերի պրոպագանդման գործում:

Աբգար Մուրադյանի կատարողանակ ոճն աչքի է ընկնում բացառիկ նուրբ երաժշտական զգացողությամբ, ձայնարտաբերման հարուստ գունային հնարավորություններով, անկրկնելի տեխնիկական կատարելությամբ ու փայլով:

ԷԹԵՐԻ ՄԱՄՈՒԼՅԱՆ