ՍՈՖԻԱՅԻ ԳՐԱՆ ՊՐԻՆ ՀԱՅԱՍՏԱՆՈՒՄ Է՝ ՇՆՈՐՀԻՎ ԴԱՍԱԿԱՆ ՄԵՆԵՐԳԻՉ ԿԱՐԵՆ ԶՈՀՐԱԲՅԱՆԻ (ՏԵՍԱՆՅՈՒԹ)

ՍՈՖԻԱՅԻ ԳՐԱՆ ՊՐԻՆ ՀԱՅԱՍՏԱՆՈՒՄ Է՝ ՇՆՈՐՀԻՎ ԴԱՍԱԿԱՆ ՄԵՆԵՐԳԻՉ ԿԱՐԵՆ ԶՈՀՐԱԲՅԱՆԻ (ՏԵՍԱՆՅՈՒԹ)

Մարտի 28-31-ը Բուլղարիայի Սոֆիա քաղաքում տեղի է ունեցել իսպանական երգի մրցույթ-փառատոն, որտեղ Հայաստանը ներկայացրել է դասական մեներգիչ, տենոր ԿԱՐԵՆ ԶՈՀՐԱԲՅԱՆԸ:

Մրցույթ-փառատոնում հանդես են եկել կատարողներ տարբեր երկրներից` տարիքային տարբեր խմբերով: Կարեն Զոհրաբյանը հանդիսատեսին ներկայացել է 3 ստեղծագործություններով եւ մրցույթից վերադարձել Գրան պրիով, այն արդեն Կարենի երրորդ Գրան պրին է: բացի Գրան պրիից նաև ստացել է մրցութային բազմաթիվ հրավերներ:

Ի դեպ, Բուլղարիայում կայացած այս մրցույթի մասնակցությունն էլ հրավեր է Կարենի նախորդ տարվա Վառնայի շրջագայություններից: Երգիչը փաստում է, որ 2015 թվականին փորձելու է հիմնականում հայկական երգերով ներկայանալ. «Ունեմ բազմաթիվ հրավերներ՝ այդ թվում նաև Թուրքիայից, որտեղ, առաջ Աստված, պետք է հնչեցնեմ Ռոբերտ Պետրոսյանի «Առանց Մասիս» երգը, որն ինձ համար նաև կարգախոս է»,-ասում է Կարեն Զոհրաբյանը և հավելում, որ 2014 թվականի մայիսի 2-9-ը Թուրքիայում կայանալիք մրցույթում բացի եվրոպացի կոմպոզիտորների ստեղծագործություններից կկատարի նաև «Բարձր սարեր» ու «Իմ Անին» ստեղծագործությունները:

Կարեն Զոհրաբյանի խոսքով` շատ է պայքարել, որպեսզի իր ելույթները Թուրքիայում շատ լինեն, ինչը կապված է Հայոց Ցեղասպանության 100-ամյակի հետ:

ԶՎԱՐԹ ԽԱՉԱՏՐՅԱՆ