"ԳԻՏԵՔ ԻՆՉ ՎԻՃԱԿՈՒՄ Է ԳՏՆՎՈՒՄ ՍԻԲԻՐԻ ԲՆՈՒԹՅՈՒՆԸ ՆԱՎԹԻ ԵՎ ԳԱԶԻ ՀԱՆՔԱՎԱՅՐԵՐԻ ՊԱՏՃԱՌՈՎ"

"ԳԻՏԵՔ ԻՆՉ ՎԻՃԱԿՈՒՄ Է ԳՏՆՎՈՒՄ ՍԻԲԻՐԻ ԲՆՈՒԹՅՈՒՆԸ ՆԱՎԹԻ ԵՎ ԳԱԶԻ ՀԱՆՔԱՎԱՅՐԵՐԻ ՊԱՏՃԱՌՈՎ"

«Հայաստանի երկրաբանական կառուցվածքը բարենպաստ չէ նավթի ու գազի հանքավայրերի համար: Դեռևս 1930-ական թվականներից ուսումնասիրություններ արվել են պարզելու` Հայաստանում կա՞ նավթ ու գազ, թե՞ ոչ, սակայն 90-ականների վերջին ամերիկյան մասնավոր ընկերության աշխատանքների արդյունքներն անհեռանկարային եղան: Կարծում եմ` մենք չպետք է կենտրոնանք նավթի ու գազի վրա, որովհետև դրանք բնությունն ավերող հանքավայրեր են: Եթե դուք տեսնեք, թե ինչ վիճակում է Սիբիրի բնությունը` նավթի ու գազի հանքավայրերի պատճառով, կապշեք: Հայաստանն, իր փոքր տարածքով, իրավունք չունի գնալ այդ ուղիով»,-այսօր երկրաբանի օրվա առիթով հրավիրված ասուլիսին "Իրավունք" թերթի` Հայաստանում նավթ կամ գազ կա՞ հարցին պատասխանելով, ասաց ՀՀ ԳԱԱ երկրաբանական գիտությունների ինստիտուտի տնօրենի խորհրդական Ռուբեն Ջրբաշյանը: Գալով սեղանքներին` ակադեմիկոսն ասաց, որ Հայաստանի տարածքը գտնվում է չհանդարտված երկրաբանական շրջանում, որը կոչվում է Կովկասյան հատված: «Լեռնագոյացման պրոցեսները Հայաստանի տարածքում դեռ չեն ավարտվել: Դրա մասին են վկայում ժամական առ ժամանակ տեղի ունեցող սողանքներն ու երկրաշարժերը: Հայաստանի տարածքում  մոտ 150 գործող սողանք կա, որը շատ մեծ թիվ է մեր երկրի համար: Սողանքներն առաջանում են 2 պատճառով` բնական ճանապարհով և մարդկային տեխնոգեն գործոնի ազդեցությամբ: Մենք շատ խիստ, խելացի գործունենություն պիտի ծավալենք այն տարածքներում, որտեղ սողանքների վտանգ կա: Գառնիի տարածքում, օրինակ, որը սողանքային գոտի է,  սեփականաշնորհումից հետո այդ հողերը սկսեցին սահել, որովհետև գյուղացիները սկսեցին շատ ջրել: Սողանքների դեմ կարելի է պայքարել անտառներ տնկելով, բայց մենք հակառակն ենք անում»,-ասաց Ռուբեն Ջրբաշյանը:

ԱՍՏՂԻԿ ՍՈՒՔԻԱՍՅԱՆ