ՙԴու իմն ես՚. Ասում է երգիչ ՍԱՐԳԻՍ ԱՎԵՏԻՍՅԱՆԸ, սակայն այս խոսքերը որեւէ մեկին ուղղված չեն: Պարզապես, այդպես կոչվում է երգչի նոր երգը: Խոսքերի հեղինակն է Սենիկ Բարսեղյանը, երաժշտության հեղինակը` Ռուզաննա Անդրեասյանը, գործիքավորել է Սերգեյ Հովհաննիսյանը, ձայնագրումը կատարել է Հարություն Հարությունյանը:
ՙԳործիքավորման մեջ կա կենդանի գործիքների նվագակցում: Սոլո եւ ակուստիկ կիթառը նվագել է Կարո Սարաֆյանը, իսկ կլառնետը` տաղանդավոր կլառնետահար Հրանտոն՚,- ՙԻրավունքի՚ հետ զրույցում պատմեց Սարգիս Ավետիսյանը: Երգն աշխույժ ու պարային է. ՙԿյանքում շատ ուրախ մարդ եմ եւ իմ երգացանկում գերակշռող ուրախ երգերն էլ, երեւի թե, պայմանավորված են իմ հոգեվիճակով՚,- խոստովանեց երգիչը: Տեսահոլովակը նկարահանել է Հրաչ Քոչարյանը: Ինչպես Սարգիսն է նշում, նկարահանումներն ամբողջությամբ արվել են կանաչ տաղավարում. ՙԴրանով էր պայմանավորված, որ շատ դժվարությունների չենք հանդիպել: Միայն թե, տեսահոլովակի հերոսուհին բարձրակրունկներով ինձնից բարձրահասակ էր դառնում: Իսկ թե ինչպե±ս լուծեցինք այդ խնդիրը, ՙԻրավունքին՚ կտեղեկացնեմ տեսահոլովակի պրեմիերայից անմիջապես հետո՚: Թե երբ երգչի երկրպագուները տեսահոլովակը դիտելու հնարավորություն կունենան, դեռ պարզ չէ, քանի որ առայժմ տեսահոլովակի վրա գրաֆիկական շատ լուրջ աշխատանքներ են տարվում:
1
9953 դիտում
2
6267 դիտում
3
2258 դիտում
4
2225 դիտում
5
2109 դիտում
