ՙԳՈՄԻԿՆԵՐԻՆ, ԱՂԱՆԴԱՎՈՐՆԵՐԻՆ, ՀՀՇ-ԱԿԱՆՆԵՐԻՆ ԿԱՐԵԼԻ Է, ՀԱՅՐԵՆԱՍԵՐՆԵՐԻՆ ՉԻ ԿԱՐԵԼԻ...
Արխիվ 12-16
Չնայած քաղաքապետարանի ընդդիմանալուն, հուլիսի 25-ին ՙՄԵԼ՚ կազմակերպությունը իրականացրեց իր ինքնաբուխ հանրահավաքը` նվիրված մեր երկրում աղանդավորական շարժման վերջ դնելուն: Ամեն լավ եւ ճիշտ նախաձեռնության գլխին կանգնած է լինում Աստված, ում հովանավորությամբ էլ իրականացվեց հանրահավաքը, որը սկսվեց երեկոյան ժամը վեցին: Շարասյունը պաստառներով, Հյուսիսային պողոտայի սկզբնամասից երթ կատարեց դեպի կառավարության շենք: Նշենք, որ երթն ուղեկցվում էր ոստիկանության աշխատակիցներով, ովքեր բավականին բարյացակամորեն եւ ամենայն կոռեկտությամբ մինչեւ վերջ կատարեցին իրենց աշխատանքը: Հասնելով կառավարության շենքի մոտ, ՙՄԵԼ՚-ը նամակ հանձնեց կառավարության աշխատակցին, ակնկալելով հնարավորինս շուտ ստանալ պատասխանը: Ակցիան հիմնականում վերաբերում էր ՙԽորան՚ աղանդին, որն անօրինական գործում է Իսպանիայում եւ խաթարում տեղի հայերի կյանքն ու ունեցվածքը, ինչպես նաեւ ՙԿյանքի խոսք՚ աղանդին, ովքեր կրոնական հավատալիքների անվան տակ բիզնեսով են զբաղվում եւ զոմբիացնում մարդկանց:
Պարզապես մեզ հույժ զարմացրեց Երեւանի քաղաքապետարանի վերաբերմունքը այս նախաձեռնության հետ կապված, այն էլ այն դեպքում, երբ նրանց կողմից ոչ մի խոչընդոտ չեղավ գեյ-շքերթին, ՙԿյանքի խոսք՚ աղանդի հունիսի մեկին անցկացվող ինքնագլուխ մանկական միջոցառմանը, ինչպես նաեւ տարիներ շարունակ հոգնեցնող եւ ոչինչ չասող ՀԱԿ-ի հանրահավաքներին:
Դե ինչ, կարծում ենք հաջորդ շաբաթ քաղաքապետարանը կպատասխանի ՙԻրավունքի՚ կողմից նշված այն հարցերին, թե ինչո±վ էր պայմանավորված վերը նշված հանրահավաքի անթույլատրելիությունը, որի արդյունքում պարզ կդառնա, արդյոք այս հանրահավաքը չէր ոտնահարում քաղաքապետարանի ներսում ենթադրելի ծպտյալ աղանդավորների իրավունքներն ու կրոնական համոզմունքները:
ԱՐՄԵՆՈՒՀԻ ՀԱԿՈԲՅԱՆ
1
10001 դիտում
2
6687 դիտում
3
2258 դիտում
4
2225 դիտում
5
2109 դիտում
