Չմեռանք, դա էլ տեսանքª արեւմտյան գրանտներով սնվող թունդ ֆեմինիստական ՙՀասարակություն առանց բռնության՚ հ/կ-ն բողոքի ակցիա է կազմակերպում ընդդեմ հեռուստասերիալներիª ընդհանրապես եւ ՙԴժվար ապրուստի՚ª մասնավորապես:
Եվ ուրբաթ օրը Շառլ Ազնավուրի հրապարակում սույն կազմակերպությունը անցկացնելու է մասշտաբային միջոցառում, որի ընթացքում ներկայացվելու է ՙԴժվար ապրուստ՚ հեռուտասերիալի ուսումնասիրությունը, կներեք հայհոյանքի համար, գենդերային տեսակետից, հեռուստասերիալի դեմ ցուցադրվելու է հատուկ տեսահոլովակ, իրականացվելու է ստորագրահավաք, բաժանվելու են բուկլետներ, անցկացվելու ֆլեշ-մոբ եւ այլն: Անշուշտ, այդ սերիալը որպես այդպիսին ոտուգլխով տականքային է, սակայն ֆեմինիստուհիներին տվյալ դեպքում հուզել էր այն, որ սերիալը հարուստ է այնպիսի բաներով, ինչպիսիք են կանանց նկատմամբ բռնությունները, կանանց շարունակական լացն ու ընկճվածությունը, այդտեղ ներկայացված կանանց կերպարները եւ (չհասկացանք դա ինչ նոր հայհոյանք է) առկա են ՙսեքսիստական արտահայտություններ՚: Դե արի ու կողմնորոշվի, ի±նչն է ավելի անընդունելիª այդ թրիքահոտ սերիալը, թե± դրա դեմ ակցիա կազմակերպող գրանտածիծ կազմակերպությունը: Ինչեւէ, սերիալները հարուցում են արդեն շատ լայն հանրային դժգոհություն, եւ անգամ հասել է այնպիսի կուրիոզի, որ նույնիսկ ֆեմինիստուհիներն են բողոքում դրանց դեմ: Մեկ ապազգային շահի սպասարկումը բախվում է մեկ այլ ապազգային շահի սպասարկմանը...
1
10011 դիտում
2
6687 դիտում
3
2258 դիտում
4
2225 դիտում
5
2109 դիտում
