ՙՙԳՅՈՒՄՐԻԻ ԿՐՔԵՐԸ ՄԻԱՅՆ ՄԱՄՈՒԼՈՒՄ ԵՆ ԵՌՈՒՄ, ԹԵ

ԳՅՈՒՄՐԻԻ ԿՐՔԵՐԸ ՄԻԱՅՆ ՄԱՄՈՒԼՈՒՄ ԵՆ ԵՌՈՒՄ, ԹԵ

Այս տարի ՀՀ գրեթե բոլոր մարզերում եւ քաղաքներում տեղի կունենան ՏԻՄ ընտրություններ, որոնք, ի դեպ, սարերի ետեւում չեն: Այդ առումով սեպտեմբեր ամիսը լի է թե° քաղաքապետների եւ թե° գյուղապետների ընտրություններով: Վերջին շրջանում բավականին ակտիվություն է նկատվում Գյուրիում, չնայած որ այս քաղաքի քաղաքապետը միշտ էլ աչքի է ընկել իր տարօրինակ արկածներով եւ, ինչու չէ, նաեւ հումորով:
րեկ ՙԻրավունքը՚ գյումրվա ֆայտոնով ՙանցում կատարեց՚ այն գյումրեցիների կողքով, ովքեր հավակնում են ՀՀ երկրորդ քաղաքի քաղաքապետի պաշտոնին: Արդեն հայտնի է, որ ԲՀԿ-ն որոշում է կայացրել, որ Գյումրու քաղաքապետի համար իրենց կուսակցությունից կպայքարի ԱԺ ԲՀԿ խմբակցության անդամ Սամվել Բալասանյանը, չնայած որ մինչ այդ որոշում է եղել, որ այդ պաշտոնում պետք է իր ուժերը փորձեր ԲՀԿ խմբակցության անդամ Մարտուն Գրիգորյանը: Իսկ պարզելու համար, թե կհամաձայնվի Ս. Բալասանյանը դնել իր թեկնածությունը, թե` ոչ, շուրջ երկու օր է, ինչ փորձում ենք կապ հաստատել պարոն Բալասանյանի հետ, սակայն հնարավոր չէ, իսկ երբ նույնիսկ կապ է հաստատվում, նրա փոխարեն պատասխանում է օգնականը, նշելով, որ վերջինս շատ զբաղված է: Տեսնես ինչի± հետ է կապված պարոն Բալասանյանի այդ կարգի զբաղվածությունը, միգուցե արդեն անցել է գրոհի±: Այս որոշումից հետո, ըստ որոշ լրատվամիջոցների, ներկայիս քաղաքապետի որդին էլ այդ որոշումից զայրացած ինչ-ինչ հայհոյանքներ է ասել ԲՀԿ-ական պատգամավորի հասցեին հենց իրենց տան դիմաց:
Նշենք, որ մեզ չհաջողվեց նաեւ կապ հաստատել ԲՀԿ-ական մյուս պատգամավոր Մ. Գրիգորյանի հետ, որպեսզի ճշտեինք, թե արդյոք նա չի± նեղացել հարազատ կուսակցությունից, որ վերջինիս թեկնածությունը անգամ չի դրվել քննարկման:
Շարժվելով առաջ` Գյումրվա ֆայտոնը կանգ առավ ԱԺ ՀՀԿ խմբակցության անդամ ՍՈՒՔԻԱՍ ԱՎԵՏԻՍՅԱՆԻ մոտ, ով Գյումրիում տիրող իրավիճակի մասին ասաց հետեւյալը:
- Պարոն Ավետիսյան, կարող եք ասել, թե ինչ է կատարվում հիմա Գյումրիում, կարծես մի փոքր կրքերը շիկացած են:
- Բայց ինչ է տեղի ունեցել որ, ոչ մի շիկացումներ ու խժդժություններ էլ չկա, ավելորդ  աղմուկը ավելի շատ է, քան ներկայացվող խժդժուկները, որի մասին ամբողջ լրատվամիջոցները գրում են: Համենայնդեպս Գյումրիում ոչ մեկը այդ աղմուկը չի լսել, ավելորդ բան չի եղել, կարող է մի ինչ-որ միջադեպ է եղել, բայց նման մեծ աղմուկ չկա Գյումրիում: Ես զարմացած եմ, ու ավելի շատ լրատվամիջոցներն են աղմուկ բարձրացնում, քան որ Գյումրիում ինչ-որ բան է կատարվում, դրանով փորձում են շինծու ձեւով շիկացնել իրավիճակը, քանի որ մեզ մոտ նման մթնոլորտ չի տիրում, շատ նորմալ, խաղաղ, հանգիստ վիճակ է:
- Ինչպես եք գնահատում Սամվել Բալասանյանի առաջադրումը ձեր քաղաքի կարեւոր պաշտոնում:
- Նախª չի առաջադրվել դեռ պարոն Բալասանյանը, եւ, բացի այդ, ի±նչ է պատահել որ, արդեն երրորդ անգամ է նա Ազգային ժողովի պատգամավոր է ընտրվում, գյումրեցի է եւ նորմալ եմ ընդունում:
- Հայտնի է, որ Վարդան Ղուկասյանը հրաժարվել է ՀՀԿ Շիրակի տարածքի խորհրդի ղեկավարի պաշտոնից, ի±նչ էր դա նշանակում, ըստ Ձեզ:
- Դե հիմա էդ մարդը արդեն յոթ տարի է խորհրդի նախագահ էր, իսկ հիմա էլ չի ուզում խորհրդի նախագահ լինել, դրա համար էլ հրաժարվել է: Եվ հետո ամեն ինչ ժամանակավոր է, ցանկացած պաշտոն ու ցանկացած տեղ, եւ հիմա ինքը էլ չի ուզում, եւ դրա մեջ վատ բան չկա, հո չե±նք ստիպելու:
- Կարծում եք առանց պատճառի նա որոշեց հրաժարվե±լ այդ պաշտոնից, եւ իսկապես հոգնե±լ էր:
- Կոնկրետ ինչ-որ բան չկա, ուղղակի չի ուզում:
- Հնարավոր է, որ Դուք առաջադրվեք քաղաքապետի պաշտոնում` լինելով գյումրեցի, կփորձե±ք ձեր ուժերը:
- Նախª դա ուժերը փորձելու տեղ չէ, բացի այդ, ես ինքս ինքնուրույն ցանկություն չունեմ: Իսկ վերջում մեկ անգամ եւս կցանկանայի ասել, որ մեր քաղաքում կրքերը հանդարտ են, ես միշտ այստեղ եմ, եւ նման շիկացած մթնոլորտ ես չեմ տեսնում, որը փորձում են ներկայացնել:
Մեր հաջորդ զրուցակիցն է ՕԵ խմբակցության անդամ ՀՈՎՀԱՆՆԵՍ ՄԱՐԳԱՐՅԱՆԸ.
- Պետք է նշեմ, որ Գյումրիում նորմալ իրավիճակ է, եւ գալիք շաբաթվանից, ամսի 5-ից արդեն կսկսվեն առաջադրումները եւ արդեն պարզ կլինի ամեն բան: Ինչ վերաբերվում է Վարդան Ղուկասյանի ՀՀԿ-ի խորհրդից դուրս գալուն դա ներկուսակցական հարց է: Պարզապես մամուլն է լուն դավա դարձնում, կամ մրջունը` փիղ:
- Պարոն Մարգարյան, եթե հաշվի առնենք, որ Սամվել Բալասանյանը նախկին ՕԵԿ-ական է եւ բավականին մտերիմ հարաբերությունների մեջ էր ձեզ հետ, ինչպե±ս եք գնահատում վերջինիս քաղաքապետի պաշտոնում առաջադրումը, ի±նչ եք կարծում, նա ավելի լա±վ կծաղկեցնի Գյումրին:
- Ես կոռեկտ չեմ համարում որեւէ մեկնաբանություն տալ Ս. Բալասանյանի առաջադրման հետ կապված: Իմ կարծիքով` յուրաքանչյուր գյումրեցի կարող է առաջադրվել այդ պաշտոնում:
- Հնարավո±ր է, որ ՕԵԿ-ը առաջադրի Ձեր թեկնածությունը այդ պաշտոնին:
- Մեր քաղաքական ուժը դեռ չի քննարկել Գյումրու քաղաքապետի հարցը, մենք, բնականաբար, կմասնակցենք տեղական ինքնակառավարման ընտրություններին:
- Իսկ Դուք կցանկանաք դնել Ձեր թեկնածությունը:
- Ես միշտ առաջնորդվել եմ իմ կուսակցության որոշումներով: Մենք ունենք ավագանիներ Գյումրիում, անպայման կմասնակցենք ընտրություններին: Կցանկանայի նշել նաեւ, որ վերջին երեք ընտրություններում աջակցել ենք գործող քաղաքապետին:
- Իսկ եթե պարոն Ղուկասյանը այս անգամ էլ դնի իր թեկնածությունը, կրկին կպաշտպանե±ք նրան:
- Քանի դեռ պարզ չեն թեկնածուները, ոչինչ ասել չեմ կարող:

ԱՐՄԵՆՈՒՀԻ ՀԱԿՈԲՅԱՆ