ԿԵՆՑԱՂԱՅԻՆ ՍՊԱՆՈՒԹՅՈՒՆ ԽՈՐՀՐԴԱՎՈՐ ՙՎԱՐԴԱՎԱՌԻՆ՚

ԿԵՆՑԱՂԱՅԻՆ ՍՊԱՆՈՒԹՅՈՒՆ ԽՈՐՀՐԴԱՎՈՐ ՙՎԱՐԴԱՎԱՌԻՆ՚

Ոստիկանության կայքում երեկ տեղադրվել էր հետեւյալ տեղեկատվությունը. ՙՀուլիսի 23-ին, ժամը 01:30-ին, անհայտ քաղաքացուց ոստիկանության Տավուշի բաժնում ահազանգ է ստացվել, որ Ներքին Կարմիրաղբյուր գյուղում սպանվել է Այգեպար գյուղի բնակիչ, 1960թ. ծնված Խաչատուր Խաչատրյանը: Պարզվել է, որ նույն օրը, ժամը 01:00-ի սահմաններում, Ներքին Կարմիրաղբյուրի ՙՉինգիլ՚ կոչվող տարածքում, վիճաբանության ժամանակ, նրան դանակահարել եւ սպանել է Բերդ քաղաքի բնակիչ, նախկինում դատված, 1985թ. ծնված Վրեժ  Մ.-ն: Ձեռնարկվում են միջոցառումներ նրան հայտնաբերելու ուղղությամբ՚:
Զանգվածային լրատվամիջոցները փոքր-ինչ ավելի ՙշռայլ՚ էին գտնվել եւ ՙհավելյալ՚ տեղեկացրել, որ սպանությունը տեղի էր ունեցել խնջույքի ժամանակ. Վարդավառի տոնակատարությանը հավաքվել էին մարզի տարբեր բնակավայրերի բնակիչներ: ՙԿենցաղային՚ վիճաբանության ժամանակ Բերդ քաղաքի բնակիչ  27-ամյա Վրեժ Մելիքյանը դանակի մի քանի հարվածներով սպանել էր Տավուշի Այգեպարցի 52-ամյա Խաչիկ Խաչատրյանին:
ՙԿենցաղային վեճի ու սպանության՚ պատկերը, սակայն, ՙփչացվել՚ էր այն փաստով, որ դեպքի վայր ժամանած օպերատիվ խումբը գլխավորել էր մարզի ոստիկանապետը, իսկ կայծակնային արագությամբ ձեւավորված քննչական խումբը առաջնորդել էր քննչական բաժնի պետը: Հատկանշական է նաեւ, որ ՙկենցաղային՚ սպանության դանակի որոնումներով զբաղվել էր ՙանձամբ՚ Բերդի ոստիկանապետը: Ոչ պաշտոնական տվյալներով սկզբից Խ. Խաչատրյանը ապակե շշով հարվածել էր ոմն Մանվելի գլխին, իսկ Վ. Մելիքյանը ձեռքը գցել էր դանակին: Լուսադեմին մարդասպանը հայտնաբերվել էր:
Ասպիսով կարելի է արձանագրել, թե հանցագործությունը բացահայտվել է: Մնում են ՙմանրուքներ՚, որոնք կհաստատեն կամ, ինչն ավելի հավանական է, կհերքեն հանցագործության ՙկենցաղային՚ վարկածը: Մարզի դատախազության բոլոր դատախազների զբաղված լինելու պատճառաբանությամբ...

Ա. ԱԲԳԱՐՅԱՆ