ԿԱՍԿԱԴԸ` ԱՄԵՐԻԿՅԱՆ ԴԻԶԱՅՆՈՎ

ԿԱՍԿԱԴԸ` ԱՄԵՐԻԿՅԱՆ ԴԻԶԱՅՆՈՎ

Արդեն քանի տարի է, երեւանցիների սիրելի վայր դարձած Կասկադում ՙԳաֆեսճյան՚ հիմնադրամը շինարարական աշխատանքներ է իրականացնում, որոնց վերջն այդպես էլ չի երեւում: Չնայած կառույցի անավարտ վիճակին` այնտեղ կազմակերպում են տարբեր մշակութային միջոցառումներ: Բայց, այնուամենայնիվ, թե° մայրաքաղաքի բնակիչներին, թե° հյուրերին հետաքրքրում է, թե երբ վերջնական տեսք կունենա Կասկադը: Ուստիեւ դիմեցինք Գաֆեսճյան արվեստի կենտրոնի հանրային կապերի եւ մարքեթինգի պատասխանատու ԼԻԼԻԹ ՍՈԽԱԿՅԱՆԻՆ:
-Կասկադի շինարարությունն այդպես էլ ավարտին չի հասցվում, որն է դրա պատճառը: Հնարավոր է, որ ընդհանրապես ավարտին չհասցվի:
- Կասկադի շինարարությունը իրականում ոչ թե ընդհատվել է կամ ավարտին չի հասցվել, այլ պարզապես իրականացվել է դեռեւս Գաֆեսճյան արվեստի կենտրոնի շինարարության առաջին փուլը: Ի սկզբանե էլ նախատեսված էր երկու փուլ. առաջին փուլի աշխատանքներն ավարտվել են եւ շուտով կվերսկսվի նաեւ երկրորդ փուլինը:
- Երբ է նախատեսված երկրորդ փուլի վերսկսումը:
- Շուտով կվերսկսվեն: Դեռ չեն վերսկսվել, քանի որ կառույցի վերջնական դիզայնը դեռեւս  արված չէ, ԱՄՆ-ից սպասում ենք հաստատմանը: Երբ այդ հաստատումը լինի, այդ ժամանակ էլ կվերսկսվի Կասկադի շինարարությունը վերեւի մասում:
- Իսկ ինչու եք հենց ԱՄՆ-ի կողմից ուղարկված դիզայնին սպասում: Հայաստանում չկա±ն ճարտարապետներից դիզայներներ, որոնք ի վիճակի են տալ այդ կառույցին վերջնական տեսք:
- Ամերիկացի ճարտարապետներն ու դիզայնավորողները շատ ավելի ժամանակակից տեսք կարող են հաղորդել Կասկադին:
Միգուցեեւ ամերիկյան դիզայնավորողներն ավելի ժամանակակից են, բայց այլ հարց է, թե այդ ժամանակակից դիզայնն ինչքանո±վ կարող է համապատասխանել Երեւանի, հատկապես նրա կենտրոնական մասի թամանյանական ոճին: Այսինքն, չի± ստացվի այնպես, որ Հյուսիսային պողոտայի օրինակով կբերեն եւ ժամանակակից այլանդակության հերթական նմուշը կցցենª տասնամյակներ սպասված Կասկադի փոխարեն: Եվ, վերջապես, մի±թե դիզայներին, թեկուզեւ` ամերիկյան, պետք է տարիներ շարունակ սպասել: Առավել եւս, որ խոսքը մայրաքաղաքի կենտրոնական հատվածի մասին է: Մի±թե Կասկադն ավարտելու համար ի սկզբանե էլ այդքան երկար ժամանակ էր նախատեսված: Մի խոսքով` չնայած հիշատակված պարզաբանումներին, Կասկադի հետ կապված հարցերը դեռ բազում են, եւ հուսանք, որ արդեն մեր քաղաքային մարմինները կպատասխանեն դրանց:

ԻԼՈՆԱ ԱԶԱՐՅԱՆ