ՀԱՐՎԱԾԱՅԻՆ ԿԱՇԱՌԱՏՎՈՒԹՅՈՒՆ

ՀԱՐՎԱԾԱՅԻՆ ԿԱՇԱՌԱՏՎՈՒԹՅՈՒՆ

Ըստ հեռուստաաշխարհի խոհանոցին մոտ կանգնած վստահելի աղբյուրի` որոշ հեռուստաընկերությունների վերնախավը հույժ անհանգստացած է այն հանգամանքով, որ ՀՀ նախագահը արձագանքել է մտավորականության եւ երիտասարդական կառույցների բաց նամակին` հեռուստաեթերը մաքրելու վերաբերյալ, եւ կոնկրետ հանձնարարական է տվել Հանրային խորհրդին: Սույն հեռուստաշնագայլերը մտավախություն ունեն, որ եթերը բնակչությանը փչացնող բովանդակությունից մաքրելու դեպքում իրենք կկորցնեն ստվերային մեծ ֆինանսական հոսքեր, եւ, ըստ մեր աղբյուրի, նրանք այժմ փորձում են ինկոգնիտո հանդիպումներ ունենալ Հանրային խորհրդի անդամների հետ` ձգտելով, ում հնարավոր է, նյութապես շահագրգռել, որպեսզի տապալեն ՀՀ նախագահի հանձնարարականի կատարումը: Գումարած դրան` նրանք սկսել են հավաքագրել չեզոք համբավ ունեցող արվեստագետներին, որպեսզի վերջիններս հանդես գան եթերը մաքրելու նախաձեռնության դեմ` այդ նախաձեռնությունը ներկայացնելով որպես իշխանությունների կողմից թելադրված նենգամիտ տարբերակ, որի բուն նպատակն է իրականում` իբր նախագահական ընտրություններին ընդառաջ հեռուստաեթերում սահմանել կոշտ գրաքննություն: Ինչեւէ, առաջիկայում հանրությունը դյուրությամբ կկարողանա հաշվարկել, թե ովքեր են հասցրել ՙնյութապես շահագրգռվել՚...

ՍԵՓ. ԼՐԱՏՎՈՒԹՅՈՒՆ


ԱՍՔ ՍՏՅՈՊԱ ՍԱՖԱՐՅԱՆԻ ԵՎ ՍԱԴՈՄԱԶՈԽԻԶՄԻ ՄԱՍԻՆ

Այս անգամ ՙԺառանգություն՚ խմբակցության նախկին ղեկավար, մանդատազուրկ ՍՏՅՈՊԱ ՍԱՖԱՐՅԱՆԻ ՙմտքի թռիչքը հերիքեց՚ նույնիսկ իշխանություններին մեղադրել սեփական երկրի նկատմամբ սադիզմի մեջ: Վերջինս սրտացավորեն ՀԱԿ ակտիվիստների դատապարտման հետ կապված իր ֆեյսբուքյան էջում գրառում կատարելով` նշել էր. ՙ...Դատարանի սահմանած անսպասելիորեն խիստ ու անհամաչափ պատիժը վկայում է այն մասին, որ պատժի ու դատավճռի հիմքում ընկած են առնվազն քաղաքական դրդապատճառներ: Այլապես նման վճիռ չէր կարող լինել: Դեհ, ինչ, այսպես էլ մեկնարկում են նախագահական ընտրությունները: Հայաստանի իշխանություններն արդեն դիսկամֆորտ են զգում, որ միջազգային զեկույցներում Հայաստանի վերաբերյալ բան չի լինում՚:
Բայց միթե պարոն Սաֆարյանը գտնում է, որ Հայաստանի իշխանությունը մազոխիստական հակումներ ունի, եւ միջազգային կառույցների ՙմուննաթները՚ երբեմն նույնիսկ հաճելի են դառնում:
Ցավոք, մեզ չհաջողվեց իրական կյանքում ստանալ Ս. Սաֆարյանի պատասխանը, բայց վիրտուալ աշխարհում մազոխիստական հակումներում իշխանությանը մեղադրելու մեր հարցադրումը նա շտապեց ՙհավանել՚:
Ի դեպ, պարոն Սաֆարյանի վերոնշյալ հայտարարությունը մի օգտատեր այսպես էր մեկնաբանել. ՙԱնցած տարիներին դիսկամֆորտ առաջացնող միակ գործիչը դու էիր, հարկավ, էն էլ` ազատվեցին քեզնից, քո սեփական կուսակցության ձեռքով: Դա դիսկամֆո±րտ է, թե± կամֆորտ՚:
Կամֆորտն ու դիսկամֆորտը չգիտենք, բայց այն, որ սադոմազոխիստական ֆիլմերը խոր տպավորություն են թողել ՙԺառանգություն՚ խմբակցության ղեկավարի վրա, դա կարծես պարզ է դառնում:

ՀՐԱՆՏ ՍԱՐԱՖՅԱՆ