Ահա այսպիսի կարծիք մտավորականության`
Արխիվ 12-16
Մենք արդեն անդրադարձել էինք այն զարմանալի, նույնիսկ ցնդաբանական իրողությանը, որ համացանցում գործում է ՙԵլք՚ անունով շարժում, որի նպատակն է ՎԱՆՈ ՍԻՐԱԴԵՂՅԱՆԻՆ վերադարձնել Հայաստան: Դե լավ, հասկացանք, որ ահագին մարդիկ արեւահարվելու հետեւանքով շտապօգնություն կանչելու փոխարեն (շտապօգնությունը պաշտոնապես հայտնել է, որ այս տարի արեւահարության պատճառով ոչ մի կանչ չի եղել) մտնում են ՙՖեյսբուք՚ եւ բորբոքված ուղեղի արգասիքը գրում: Բա ի±նչ բացատրություն տաս ՙԱզատ դեմոկրատներ՚` իբր լուրջ կուսակցությանը, որ երկու պատգամավոր էլ ունի, որ որոշեց միանալ այդ շարժմանը. ՙԿոչ ենք անում ՀՀ այն քաղաքացիներին, ովքեր անտարբեր չեն մեր երկրում մարդու իրավունքների եւ արդարության հաղթանակի հաստատմանը, սատարել այս շարժմանը՚: Դե ինչ, զարմանալով հանդերձ, այնուամենայնիվ, կհորդորենք ՙԱզատ դեմոկրատներին՚ այդքան շատ օրինակ չվերցնել իրենց կենացասեր կուսակից Ալիկ Արզումանյանից, հատկապես` այս տժտժան շոգերին:
Չէ, եթե ինչ-որ երեւույթ երբեւէ կապ է ունեցել ՀՀՇ-ի հետ, ապա անպայման մի սխալ բան դուրս կգա: Մենք անդրադարձել էինք դատախազ ՄԵՍՐՈՊ ՄԱՆՐԻԿՅԱՆԻ, նրա որդու եւ այլոց կողմից մեր գործընկեր ՌուբեՆ Գրձելյանին ընտանիքի աչքի առաջ դաժան ծեծի ենթարկելուն, անդրադարձել էինք եւ այն ապշեցուցիչ երեւույթին, որ ե°ւ ծեծողին, ե°ւ ծեծվողին միեւնույն քրեական մեղադրանքն է առաջադրվել: Եվ ահա ինքը` Ռուբեն Գրձելյանը, որոշ ուսումնասիրություններ է կատարել եւ պարզել, որ ժամանակին սույն ՙբեսպրեդել՚ դատախազը, որը նաեւ հաջողությամբ կարողանում է ազատվել պատասխանատվությունից, եղել է սովորական սանիտար Էրեբունու հիվանդանոցում, ու դատախազի աշխատանք ու վկայական է ստացել հայտնի ՀՀՇ-ական գործիչ, այժմ ստվեր քաշված Արա Սահակյանի հովանավորության շնորհիվ: Այնպես որ, զարմանալիորեն անգամ ՀՀՇ-ին իշխանազրկելուց 13 տարի անց դեռեւս ամենաանսպասելի տեղերում հայտնաբերվում են ՀՀՇ-ի թողած ավերածության հետքերը:
Զարմացած է
ՀՈՎՀԱՆՆԵՍ ԳԱԼԱՋՅԱՆԸ
1
10001 դիտում
2
6678 դիտում
3
2258 դիտում
4
2225 դիտում
5
2109 դիտում
