ՙԱՐԱՅԻ՚ ԶՈՀՎԱԾ ՍԵՓԱԿԱՆԱՏԻՐՈՋ ԴՈՒՍՏՐԸ ԴԵՌ ՏԱՏԻ ՄՈՏ Է
Արխիվ 12-16
ՏԱՏԻ ՄՈՏ Է
ժամանակին մեծ աղմուկ բարձրացրած ՙԱրայ՚ ընկերության սեփականատեր Արմեն Պետրոսյանի ինքնասպանությունը այսօր էլ հանրության մտահոգության առարկա է: Առավել եւս, որ այդ դեպքին հաջորդեց այլ սկանդալային պատմություն` կապված Ա. Պետրոսյանի դստեր հետ: Հոր մահից հետո 5-ամյա երեխայի խնամակալության իրավունքի հարցով վեճի մեջ էին գտնվում Ա. Պետրոսյանի նախկին կինը` Տատյանա Չադենկովան, եւ մայրը` Կարինե Սուքիասյանը: Եվ ահա, այն բանից հետո, երբ հարցը գրեթե լուծվում էր Տ. Չադենկովայի օգտին, ի հայտ եկավ տեղեկություն, որ Կ. Սուքիասյանը թոռան հետ միասին լքել է հանրապետությունը: Նրա նկատմամբ հայտարարվեց հետախուզում:
Եվ ահա օրերս հայտնի դարձավ, որ Ա. Պետրոսյանի մայրը Բագրատաշենի անցակետից բերման է ենթարկվել Քննչական գլխավոր վարչություն, որտեղից էլ քաղաքից չբացակայելու ստորագրությամբ ազատ է արձակվել:
Որտե±ղ էր գտնվում նա այս ամիսներին, ինչո±ւ էր փախուստի դիմել, հիմա որտե±ղ է երեխան... Այս կարգի մի շարք հարցերի պատասխանները ստանալու ակնկալիքով փորձեցինք հեռախոսով կապվել տիկին Կարինեի հետ, սակայն հեռախոսազանգին պատասխանեց մի երիտասարդ, ով ներկայացավª որպես անվտանգության աշխատակից.
- Տիկին Կարինեն չի կարող պատասխանել ձեր զանգին:
- Ինչո±ւ:
- Հայաստանում չի:
Երբ ասացինք, որ այն, ինչ ասել է, տպվելու է, նա միանգամից այլ պատասխան տվեց.
- Դե գիտե±ք ոնց, ճիշտը որ ասեմª Հայաստանում է, հիմա էլ տանն է, ուղղակի խոսելու ցանկություն չունի ոչ մեկի հետ: Չգիտեի, որ հոդված եք տպելու, դրա համար էլ սկզբում չասացի:
Իսկ Ոստիկանությունից տեղեկացանք, որ ընթանում է նախաքննություն, 5-ամյա թոռնուհին էլ այժմ տատիկի մոտ է:
ԻԼՈՆԱ ԱԶԱՐՅԱՆ
1
10001 դիտում
2
6678 դիտում
3
2258 դիտում
4
2225 դիտում
5
2109 դիտում
