ՃԱԿԱՏԻՆ ՕԵԿ ԳՐՎԵԼ Է, ԲՀԿ ԳՐՎԵԼ Է... ՀՀԿ ՉԻ ԳՐՎԻ

ՃԱԿԱՏԻՆ ՕԵԿ ԳՐՎԵԼ Է, ԲՀԿ ԳՐՎԵԼ Է... ՀՀԿ ՉԻ ԳՐՎԻ

Գյումրիի քաղաքապետ Վարդան Ղուկասյանը պնդել է, որ թաքցրած ունի իր մրցակից ԲՀԿ անդամ Սամվել Բալասանյանի դիմումը ՀՀԿ-ին անդամագրվելու մասին եւ երեկ լրատվամիջոցներից մեկին տված հարցազրույցի ժամանակ հայտարարել, որ այն կհրապարակի: Թե արդյոք կա նման փաստաթուղթ Վ.Ղուկասյանի ձեռքում, պարզեցինք ՀՀԿ խմբակցության ղեկավար ԳԱԼՈՒՍՏ ՍԱՀԱԿՅԱՆԻՑ.
- Համենայն դեպս, ինձ հայտնի չէ: Չեմ կարող ասել, ինչ ու ինչպես: Սամվել Բալասանյանը ՙԲարգավաճ Հայաստան՚ կուսակցության անդամ է:
Ի դեպ, իր մամլո խոսնակի միջոցով էլ Սամվել Բալասանյանը այդ լուրերը անվանել է հորինվածք, սակայն անձամբ նրա հետ կապ հաստատել չհաջողվեց:


ՔՑԵԼ Է, ԹԵ...

Շրջանառվող տեղեկությունների համաձայն, թե էլիտար շենքերի կառուցման գործում ՙվարպետացած՚ ՀՀ երկրորդ նախագահ Ռ.Քոչարյանի խնամին` ՎԼԱԴԻՄԻՐ ԲԱԴԱԼՅԱՆԸ, ավելի քանի ութ ամիս չի վճարել բանվորների աշխատավարձը, այդպես էլ չհաջողվեց ճշտել, քանի որ վերջինս ՙԻրավունքի՚ հարցը կիսով չափ լսելով` պատասխանեց.
- Շատ զբաղված եմ..., -ու շատ տրամաբանական է, որ անջատվեց հեռախոսն ու ՙշատ էլիտար՚ կերպով այլեւս պարոն Բադալյանը չպատասխանեց մեր զանգերին:
Հետաքրքիր է, եթե այս տեղեկությունը համապատասխանում է իրականությանը, ապա քանի± անգամ են ՙէլիտար՚ բանվորները լսել այս խոսքրª ՙշատ զբաղված եմ՚ ու գումար վաստակելու փոխարեն իրենց կանանց ասել. ՙԵս էլ եմ զբաղված...՚:

ՀՐԱՆՏ ՍԱՐԱՖՅԱՆ


ՎՐԱՑԱԿԱՆ ԿՈՂՄԸ ԱՆԴՐԴՎԵԼԻ Է

Վրաստանին շատ լավ կսազեր Հայաստանի անհաջող տեգրակնոջ դերը, որը երբեք առիթը բաց չի թողնում հարվածել թիկունքից ու խորիմաստ ժպտալ աչքերի մեջ նայելով:
Եվս մեկ անգամ ԱԺ պատգամավոր, ՙՋավախք՚ համայնական միության նախագահ ՇԻՐԱԿ ԹՈՐՈՍՅԱՆԻՆ թույլ չտվեցին հատել հայ-վրացական սահմանը: Ջավախքում կայանալիք աշուղ Ջիվանուն նվիրված միջոցառումից առանց գրավոր կամ բանավոր պատճառաբանման ԱԺ պատգամավորը ստիպված եղավ հետ վերադառնալ:
Վրացական նենգության մասին ՙԻրավունքը՚ զրուցեց, արդեն մի փոքր թեւաթափ եղած Շ.Թորոսյանի հետ.
- Ինչ պիտի մտածեմ այս մասին, շատ վատ է, որ թույլ չեն տալիս:
- Արդյոք մուտքի արգելքի հետ կապված չե±ք փորձել հարցը լուծել դիվանագիտական օղակներով կամ ԱԳՆ-ի միջոցով:
- Դրանք արդեն հնացած հարցեր են, հարյուր անգամ ասել ենք, փորձել ենք, ասվել ու խոսվել է, ուղղակի վրացական կողմը անդրդվելի է մնում:

ՀՐԱՆՏ ՍԱՐԱՖՅԱՆ