ՄԵՐ ՕԼԻՄՊԻԱԿԱՆ ՄԵԴԱԼՆԵՐԸ

ՄԵՐ ՕԼԻՄՊԻԱԿԱՆ ՄԵԴԱԼՆԵՐԸ

Հուլիսի 27-ին Լոնդոնում տեղի կունենա 30-րդ ամառային Օլիմպիական խաղերի բացման հանդիսավոր արարողությունը: Քառամյակի գլխավոր մարզական իրադարձությանը Հայաստանը կներկայանա 25 մարզիկներով:
Այսօր ներկայացնում ենք նոր ժամանակներում Հայաստանը ներկայացնող օլիմպիական չեմպիոններին:
Մարմնամարզիկ Հրանտ Շահինյան` 1952 թվական, Հելսինկի,15-րդ Օլիմպիական խաղեր:
Մարմնամարզիկ Ալբերտ Ազարյան` 1956 թվական, Մելբուռն, 1960 թվական, Հռոմ, 16-րդ եւ 17-րդ Օլիմպիական խաղեր:
Բռնցքամարտիկ Վլադիմիր Ենգիբարյան` 1956 թվական, Մելբուռն, 16-րդ Օլիմպիական խաղեր:
Հնգամարտիկ Իգոր Նովիկով` 1956 թվական, Մելբուռն, 1964 թվական, Տոկիո, 16-րդ եւ 18-րդ Օլիմպիական խաղեր:
Սկավառականետորդուհի Ֆաինա Մելնիկ` 1972 թվական, Մյունխեն, 20-րդ Օլիմպիական խաղեր:
Ծանրամարտիկ Յուրի Վարդանյան` 1980 թվական, Մոսկվա, 22-րդ Օլիմպիական խաղեր: Մարմնամարզիկ Էդուարդ Ազարյան` 1980 թվական, Մոսկվա, 22-րդ Օլիմպիական խաղեր: Ծանրամարտիկ Հոկսեն Միրզոյան` 1988 թվական, Սեուլ, 24-րդ Օլիմպիական խաղեր:
Հունահռոմեական ըմբշամարտիկ Լեւոն Ջուլֆալաքյան` 1988 թվական, Սեուլ, 24-րդ Օլիմպիական խաղեր:
Արդեն նորանկախ Հայաստանի պատմության մեջ 1992 թվականին Բարսելոնայում կայացած 25-րդ Օլիմպիական խաղերում Հայաստանը ԱՊՀ միացյալ թիմում նվաճել է 3 ոսկե, 1 արծաթե մեդալ: Ոսկե մեդալի են արժանացել Մնացական Իսկանդարյանը (հունահռոմեական ըմբշամարտ, 75 կգ), Իսրայել Միլիտոսյանը (ծանրամարտ, 70 կգ), Հրաչյա Պետիկյանը (հրաձգություն, կարճափող հրացան, երեք դիրքից, 50 մետր): Ալֆրեդ Տեր-Մկրտչյանը (հունահռոմեական ըմբշամարտ, 54 կգ) նվաճել էր արծաթե մեդալ:
Ատլանտայում (ԱՄՆ) 1996 թվականին կայացած 26-րդ Օլիմպիական խաղերում Հայաստանը նվաճեց 1 ոսկե` Արմեն Նազարյան (հունահռոմեական ըմբշամարտ, 60 կգ), եւ 1 արծաթե` Արմեն Մկրտչյան (ազատ ոճի ըմբշամարտ, 52 կգ) մեդալ:
2000թ. Սիդնեյում (Ավստրալիա) կայացած 27-րդ Օլիմպիական խաղերում Հայաստանը նվաճեց 1 բրոնզե մեդալ, որին արժանացավ Արսեն Մելիքյանը` ծանրամարտ, 77 կգ:
2004թ. Աթենքում (Հունաստան) կայացած  28-րդ Օլիմպիական խաղերից Հայաստանը վերադարձավ ձեռնունայն:
Եվ վերջապես, 2008թ. Պեկինում (Չինաստան) կայացած 29-րդ Օլիմպիական խաղերում Հայաստանը նվաճեց 6 բրոնզե մեդալ. Ռոման Ամոյան` հունահռոմեական ըմբշամարտ, 55 կգ, Յուրի Պատրիկեեւ` հունահռոմեական ըմբշամարտ, 120 կգ, Հրաչիկ Ջավախյան` բռնցքամարտ, 63 կգ, Տիգրան Գեւորգի Մարտիրոսյան` ծանրամարտ, 69կգ, Գեւորգ Դավթյան` ծանրամարտ, 77 կգ, Տիգրան Վարդանի Մարտիրոսյան` ծանրամարտ, 85կգ:

Պատրաստեց Ռ. ԹԱԹՈՅԱՆԸ