ՙՙՙԲՈԼՈՐ ՔԱՂԱՔԱՑԻՆԵՐԻՆ ԽՈՐՀՈՒՐԴ ԵՄ ՏԱԼԻՍ ՏՐԱՎՄԱՏԻԿ ԶԵՆՔՈՎ ԶԻՆՎԵԼ՚

ՙԲՈԼՈՐ ՔԱՂԱՔԱՑԻՆԵՐԻՆ ԽՈՐՀՈՒՐԴ ԵՄ ՏԱԼԻՍ ՏՐԱՎՄԱՏԻԿ ԶԵՆՔՈՎ ԶԻՆՎԵԼ՚

Երբ թվում է, թե այլեւս առավել աբսուրդային ոչինչ չի լսի հանրությունը, այն տեղի է ունենում հենց մեր կողքին: Դատախազության Կոտայքի մարզի քննության օրինականությունը վերահսկող դատախազ Մեսրոպ Մանրիկյանի գլխավորությամբ մի խումբ անձիք մայիսի 12-ին ՙՌեգնում՚-ի երեւանյան գրասենյակի խմբագիր Ռուբեն Գրձելյանին ընտանիքի ներկայությամբ ծեծի են ենթարկում: Արդյունքում մեղավորին ու մեղադրյալին նույն քրեական մեղադրանքն է առաջադրվում: Աբսուրդի թատրոն հիշեցնող մերօրյա վառ իրականության մասին ՙԻրավունք՚-ը զրուցեց ՌՈՒԲԵՆ ԳՐՁԵԼՅԱՆԻ հետ:
-Ձեր կարծիքով, արդյոք ստեղծված իրավիճակն ակնհայտ հովանավորչության հետեւանք չէ±:
- Նախ ասեմ, որ ինձ եւ դատախազ Մանրիկյանի տղային են նույն մեղադրանքը ներկայացրել (117 հոդված` դիտավորությամբ թեթեւ մարմնական վնասվածքներ հասցնել): Իհարկե, այստեղ ակնհայտ հովանավորչության հարց է, որովհետեւ, եթե հենց իր` դատախազ Մանրիկյանի նկատմամբ հոդված կիրառվեր, համենայն դեպս կկասեցվեր իր գործունեությունը մինչեւ դատավարության ավարտը: Իսկ այսպես, նա չի տուժում:
- Իսկ մտադիր չե±ք քննիչներին պատասխանատվության ենթարկելու հարց բարձրացնել:
- Ես միջնորդություն եմ ներկայացրել քննչական մարմնին, որպեսզի ներգրավվեն գործի մեջ Մ.Մանրիկյանին` որպես մեղադրյալ, այլ ոչ թե տուժած, եւ ինձ էլ ազատեն քրեական հետապնդումից:
- Ձեր դեմ հարուցված քրեական գործով ռեալ աջակցություն ստացե±լ եք լրագրողական շրջապատից:
- Միշտ զանգում եւ հետաքրքրվում են լրագրող ընկերներս, սակայն դեռ կարիք չկա առանձնապես ակտիվ լինելու: Երբ նորություն լինի, գուցե կարիք կլինի այն ժամանակ: Դեռ, կոպիտ ասած, տրավմատիկ զենք եմ առել, եւ խորհուրդ եմ տալիս բոլոր քաղաքացիներին հետեւել իմ օրինակին:
- Երբեւէ Ձեր լրագրողական գործունեության պրակտիկայում լսե±լ էիք, որ ե°ւ ծեծողին, ե°ւ ծեծվողին նույն քրեական մեղադրանքը ներկայացնեն:
- Սովորաբար, սա ընդունված ձեւ է, եթե ուզում են, որ կողմերը բարիշեն: Այսինքն` ճնշման ձեւ է, որ վախենամ ու ասեմ` վայ, հեսա դատվելու եմ, ու այս գործից հետ քաշվեմ, գործն էլ ավարտվի գնա: Բայց, թեպետ ընդունված ձեւ է, սակայն իմ դեպքում այդպես չի լինի, ես հետ չեմ քաշվելու:
- Այժմ ի±նչ փուլում է գտնվում քրեական գործընթացը:
- Քննությունն ավարտված է: Բայց, մենք վերոնշյալ միջնորդությունը ներկայացրեցինք, այդ միջնորդությանն էլ պետք է քննիչը ծանոթանա եւ որոշում ընդունի: Հետո արդեն գործը կուղարկվի դատախազին:

ՀՐԱՆՏ ՍԱՐԱՖՅԱՆ