ՙՙԱՌԱՎԵԼ ՔԱՆ ՍԱՐՍԱՓԵԼԻ Է, ԵՐԲ ՄԱՐԴԸ ԻՐ ԸՆԴԴԻՄՈՒԹՅԱՆԸ ՉԻ ՀԱՎԱՏՈՒՄ՚

ՙԱՌԱՎԵԼ ՔԱՆ ՍԱՐՍԱՓԵԼԻ Է, ԵՐԲ ՄԱՐԴԸ ԻՐ ԸՆԴԴԻՄՈՒԹՅԱՆԸ
ՉԻ ՀԱՎԱՏՈՒՄ՚

Մենք մի քանի անգամ անդրադարձել ենք գրող ԼԵՎՈՆ ՋԱՎԱԽՅԱՆԻ` քիրվայասիրությունը գովաբանող հրապարակումներին, սակայն այսօրվա անդրադարձը բոլորովին այլ առիթով է: Այս անգամ, ճիշտն ասած, նրա շատ մտքեր մեզ դուր եկան: Մտքեր, որոնք նա արտահայտել էր ՙԱռաջին լրատվական՚-ին տված հարցազրույցում:
Մասնավորապես, նա այսպես է արտահայտվում արտագաղթի վերաբերյալ. ՙԵրկրից թողնել-գնալը որն է: Բա քո քաղաքը, քո գյուղը, քո հոր ու մոր գերեզմանը ո±ւմ ես թողնում-գնում: Քո տեղը ո±վ պիտի սարքի Տունդ: Հա°, խուժան կա, գող կա, ավազակ կա: Դրանց թողնենք, մենք մեր երկրից գնա±նք: Մեր ժողովրդի վրայի սերը պակասել է: Շատ քամեցին, յուղը կտրեցին... Բայց ձեզ թվում է` մենակ ղեկավարներն են վատը: Ժողովուրդն էլ է մեղավոր: Եթե հասարակարգը լիներ էնպիսին, ինչպիսին ես ու դու կուզեինք, շամպայնի խցանի նման ավազակները դուրս կթռնեին՚:
Լրագրողը մի զարմանալի, ավելի ճիշտ` արեւմտամետի հարց է տալիս. ՙՏեսաք, թե ոնց եգիպտացիները ինքնագլուխ, առանց առաջնորդի տապալեցին Մուբարաքին՚: Առանց մեկնաբանության ներկայացնենք պատասխանը. ՙԴու էդ աֆրիկյան երկրների հեղափոխությունների մեջ լավ բաներ ես տեսնում: Ինչքան դու լավ բան ես տեսնում, էդքան էլ ես վատ բան եմ տեսնում: Դրանց ՙազատության առաջամարտիկն՚ էլ ՙԱմերիկայի ձայնն՚ է: Որտեղ շահ է տեսնում, թաթը դնում է էնտեղ: Հիմա մեր երկրում էլ են շատ խոսում ազատության մասին: Բայց, չգիտես ինչու, ազատություն ասելով հասկանում են միայն սեռական փոքրամասնությունների պաշտպանությունը եւ սեռական հարցերը մանրամասն լուսաբանելը: Ազատությունը շատ ավելի լայնարձակ տարածք է ենթադրում: Էդ ինչո±ւ ազատության համար պայքարի տարածքը էդքան նեղացրին: Էդ ինչո±ւ են սեռական փոքրամասնությունների համար երթեր անում, որոշ գրողներ էլ` արանքն ընկած, դոշները բացած ու ծեծելով` նրանց իրավունքներն են պաշտպանում: Էդ ո±ւմ ջեբն են ընկել: Կապիտալի ջե±բը: Անհասկանալի բաներ են կատարվում: Հիմա ես չգիտեմ` Ամերիկան, որ Հյուսիսային Աֆրիկայի ժողովրդին ոտի հանեց, էդքան մարդ կոտորվեց ու դեռ կոտորվելու է, օգո±ւտ է տալիս, թե± վնաս՚:
Ապա, պատասխանելով մեկ այլ հարցի, նշում է. ՙԱզատ ու անկախ երկրում մեր հացը մենք պետք է ստեղծենք: Փրկության ճանապարհը ամեն մեկիս մեջ է: Աստված ճանապարհն է տալիս... Էս փոսից, որը մենակ ղեկավարները չեն փորել, այլ ազգովին ենք արել, պիտի ազգովի էլ դուրս գանք... Կարծում եք` միայն իշխանությո±ւնն է փորել: Ընդդիմությունն էլ է մասնակցել էդ գործին: Ընդդիմությունը, որ խոսում է հայրենասիրությունից, ազնվությունից, նվիրական բաներից, բայց էնտեղ էլ ներկուսակցական ինտրիգներ եմ տեսնում, գործարքներ: Էն, որ մարդը իշխանություններին չի հավատում, սարսափելի է: Բայց առավել քան սարսափելի է, երբ մարդը իր ընդդիմությանը չի հավատում՚:

ԱՄՆ-Ի ԿԵՂԾԱՎՈՐՈՒԹՅԱՆ ԱՐՁԱԳԱՆՔԸ

Իսկ ահա աշխարհահռչակ ՙSystem of A Down՚ ռոք խմբի հայազգի կատարող ՍԵՐԺ ԹԱՆԿՅԱՆԸ հերթական անգամ աչքի է ընկել Ցեղասպանության ճանաչմանն ուղղված իր հստակ քաղաքական ու քաղաքացիական դիրքորոշմամբ: Նորզելանդական ՙThe New Zeland Herald՚ պարբերականի հետ զրույցում նա պատմել է նաեւ, թե ինչու է իր վերջին ալբոմը նվիրված 1915 թ-ի Հայոց ցեղասպանությանը, եւ այդ հարցում իր ակտիվությունը բացատրում է այսպես. ՙԿարծում եմ, որ իմ գործունեությունն ու քաղաքականացված դիրքորոշումը ծագեց իբրեւ Հայոց ցեղասպանության ժխտման հարցում ԱՄՆ-ի կեղծավորության արձագանք: Ես գիտակցեցի, թե որքան այլ հարցերի` մարդու իրավունքների կամ բնապահպանական խնդիրների մասին են լռում այն բանի համար, որպեսզի քաղաքացիական կապիտալ կուտակեն եւ շահույթներ ստանան՚:
Ինչպես իրավացիորեն նշում է հրատարակչությունը, Թանկյանը Օսմանյան Թուրքիայի իրագործած ցեղասպանության ճանաչմանը ձգտող հայերի խոսափողն է:
ՙՊատմական այս հարցը ձեւ է հաղորդել նրա հայացքներին, նրա երաժշտությանը` լինի ՙSystem of a Down՚ խմբի կազմում կամ որպես մեներգիչ՚,- գրել է թերթը:
Նշենք, որ Նոր Զելանդիան երգչի երկրորդ տունն է:

Կույտը մշակեց ՌՈՒՍԼԱՆ ԹԱԹՈՅԱՆԸ