ՈՒՐԱԽՈՒԹՅՈՒՆ ՉԻ ԿԱՐՈՂ ԱՆՑԿԱՑՎԵԼ ԱՅՆՏԵՂ, ՈՒՐ ԱՐՅՈՒՆ Է ԹԱՓՎԵԼ
Արխիվ 12-16
Վահե Ավետյանի սպանությունը մեծ արձագանք է առաջացրել հասարակության մեջ: ՀՀ մարդու իրավունքների նախկին պաշտպան Լարիսա Ալավերդյանը հուլիսի 12-ին կայացած մամլո ասուլիսի ժամանակ ցավով նշեց այն փաստը, որ ՙՀարսնաքար՚ ռեստորանային համալիրում շարունակվում են տոնախմբությունները: Մահվան քառասուներորդ օրը կազմակեպվելու է մոմավառությամբ երթ:
Նշվեց նաեւ այն մասին, որ յոթօրյակի ժամանակ կայացած մոմավառությունը ոչ միայն փորձել են արգելել, այլեւ ուժ եւ հայհոյանք են գործածել: Շարժումը, որն այսօր Վահե Ավետյանի ընտանիքի անդամների թույլտվությամբ կրում է իր անունը, չի դրել իր առջեւ որեւէ մեկին ոչնչացնելու նպատակ, այլ ուզում է միայն վերադարձնել մարդասիրական, օրինական պահվածքը: Վահե Ավետյանի սպանությունը ոչ թե առաջին, այլ հերթական դեպքն է, սակայն այս անգամ ձեռք է բարձրացվել ազգային բանակի ներկայացուցչի, սպայի վրա: Ասուլիսի ժամանակ նշվեց նաեւ 2001 թվականին Պողոս Պողոսյանի սպանության մասին, որի մեղավորները չստացան իրենց արժանի պատիժը: Շատ անգամ հասարակության մեջ լսվում են կարծիքներ այն մասին, որ Վահե Ավետյանը եւ մյուս երկու տուժողները եղել են ոչ սթափ վիճակում, սակայն դա ոչ միայն չի կարող արդարացում լինել, այլեւ չի մեղմացնում այդ դաժան եւ ոչ մարդկային արարքը:
ՙԻրավունքի՚ այն հարցին ի պատասխան, թե արդյոք եղել են որեւէ սպառնալիքներ մեղավորների կողմից, Լարիսա Ալավերդյանը նշեց, որ այս շարժման հիմնադիրները եւ մասնակիցները բավականին մեծ ճանաչում եւ դիրք ունեն, այդ իսկ պատճառով նրանց հետ որեւէ պատահարը մեծ աղմուկ կբարձրացնի: Սակայն նրանք անկասկած չեն բացառում դժբախտ պատահար կամ որեւէ բան, որը կկանգնեցնի այս շարժումը: Շարժման մասնակիցները տրամադրված են ցանկացած գնով վերջ դնել մեր երկրում տիրող զոռբայական քրեական դաժան պահվածքին:
ԼՈՒՍԻՆԵ ՇԱՐԲԱԹՅԱՆ
1
10011 դիտում
2
6698 դիտում
3
2258 դիտում
4
2225 դիտում
5
2109 դիտում
