ՀԵՂԱՓՈԽՈՒԹՅՈՒՆ ԵՐԵԽԱՆԵՐԻ ՄԱՍՆԱԿՑՈՒԹՅԱՄԲ

ՀԵՂԱՓՈԽՈՒԹՅՈՒՆ ԵՐԵԽԱՆԵՐԻ ՄԱՍՆԱԿՑՈՒԹՅԱՄԲ

Միջազգային քրեական դատարանը հուլիսի 10-ին, պատմության մեջ առաջին անգամ դատավճիռ է կայացրել Կոնգոյի Դեմոկրատական Հանրապետության ապստամբ խմբավորումներից մեկի նախկին առաջնորդ Թոմաս Լուբանգա Դյիլոյի դեմ:
ՙՄիջազգային՚ գազանը մեղավոր է ճանաչվել 2002-2003 թվականներին Իտուրի նահանգում միջէթնիկ հակամարտության ժամանակ մինչեւ 15 տարեկան երեխա զինվորների հավաքագրելու մեջ: Դեռահաս տղաներին ստիպել են մասնակցել ռազմական գործողություններին, իսկ աղջիկներին օգտագործել են որպես սեքս-ստրկուհիներ:


ԱՎԱՆԴԱԿԱՆ ԱՐՅՈՒՆԱԼԻ ՏՈՆԱՀԱՆԴԵՍ

Իսպանական Պամպլոնա քաղաքում ընթացող ՙՍան Ֆերմին՚ տոնի երեք օրերի ցլավազքից լրջորեն վիրավորվել են 15 մարդ: Շարունակվող զվարճանքների երրորդ օրը աչքի էր ընկել ցլերի նախրի առաջնորդը` Ֆուգադո մականունով եւ 545 կգ քաշով կոտոշավորը: Նա մեկ րոպե ուշացումով էր հասել վերջնագծին, սակայն չի կարելի ասել, թե հսկան ծուլացել ու արհամարհել էր հանդիսատես-մասնակիցներին: Այդ 1 րոպեի ընթացքում տոնի գլխավոր կոտոշավորը ցաքուցրիվ էր տվել ՙանկոտոշներին՚` մարդկանց…


ՉԻՆԱՍՏԱՆԸ ՀՂԻ Է ՄԱՆԿԱՍՊԱՆՈՒԹՅԱՄԲ

Ամուսնական զույգը հայց է ներկայացրել Չինաստանի իշխանությունների դեմª պնդելով, որ վերջիններս ստիպել են կնոջը` հղիության արհեստական ընդհատում անել: Հայցի վերաբերյալ Չինաստանի իշխանությունները դեռ ոչ մի մեկնաբանություն չեն տվել, թեեւ հայցվորների փաստաբանը արդեն հրապարակայնորեն հայտարարել է, որ այդ կերպ երկրում իրագործվում է` ՙՄեկ ընտանիք-մեկ երեխա՚ ծրագիրը:


ՊՈՌՆՈ ՆԿԱՐԱՀԱՆՈՒՄՆԵՐ ՈՍՏԻԿԱՆՈՒԹՅՈՒՆՈՒՄ

Սվերդլովսկի մարզի Տուրինսկ քաղաքում մեծ աղմուկ բարձրացավ, երբ հանրությունը տեղեկացավ, որ ոստիկանության բաժնում կատարվում են պոռնո նկարահանումներ` բերման ենթարկված անձանց մասնակցությամբ: Ամբողջությամբ մերկացված տղամարդկանց ստիպում էին ձեւացնել, թե նրանք միմյանց հետ մտնում էին սեռական հարաբերությունների մեջ, նկարահանում էին եւ մեկնաբանում տեղի ունեցածը:


ՈՒՐԻՇԻ ԿՆՈՋ ՊԱՏԻՎԸ

Ռուսաստանի Դաշնության Ելց քաղաքի մի բնակարանում հարբում էին երիտասարդ ամուսնական զույգը եւ նրանց ծանոթը: Ամուսինները վիճել էին, իսկ ծանոթը կնոջ թասիբը ՙպաշտպանելու՚ նպատակով դանակահարել էր ամուսնուն:


ԹԱԼԻԲ ԵՐԿՈՒ ՍՐԻԿԱՆԵՐԻ ԶՈՀԸ

22-ամյա Նաջիբան հրապարակայնորեն գնդակահարվել էր Աֆղանստանի գյուղերից մեկում: Նրա հետ հաշվեհարդար էր տեսել ամուսինը` մեղադրելով իր ջահել կնոջը դավաճանության մեջ: Խանդի տեսարանի մյուս կողմը ամուսնու հրամանատարն էր: Գյուղի բոլոր բնակիչները ներկա էին գնդակահարմանը եւ ողջունում էին ալլահին այն ժամանակ, երբ թալիբան մարդասպանները մարտական զենքից շարունակում էին կրակել կնոջ դիակի վրա: