ԴԱՎԻԹ ՇԱՀՆԱԶԱՐՅԱՆԸ ՆԵՂԱՑԵԼ Է ԽՆԱՄՈՒՑ

ԴԱՎԻԹ ՇԱՀՆԱԶԱՐՅԱՆԸ ՆԵՂԱՑԵԼ Է ԽՆԱՄՈՒՑ

Դավիթ Շահնազարյանի ՀԱԿ-ից դուրս գալու պատմության հետ կապված բավականին հետաքրքիր լուրեր են շրջանառվում: Ըստ այդմ, պարզվում է, որ պրն Շահնազարյանի այդ քայլը պետք է բացատրել արդեն պատմություն դարձած նախընտրական ցուցակներով: Խոսակցություններն այն մասին են, որ Դ. Շահնազարյանը ոչ այնքան նեղվել է ՀԱԿ-ի ցուցակում անցողիկ տեղ չստանալու համար, որքան այն բանից, որ նման տեղ Լեւոն Տեր-Պետրոսյանը տվեց Գագիկ Ջհանգիրյանին, որի հետ պրն Շահնազարյանի ջրերը վաղուց է, որ նույն առվով չեն հոսում: Նույն լուրերի համաձայն պրն Շահնազարյանը բավականին տհաճ խոսակցություն է ունեցել իր նախկին խնամուª ԼՏՊ-ի հետ, որն էլ սկսել է տրտնջալ, թե` ՙՈր մեկին ցուցակում տեղավորեմ, գոնե դու ինձ հասկացիր՚: Դ. Շահնազարյանն էլ ՙըմբռնումով՚ է մոտեցել ԼՏՊ-ի խնդրանքներին ու խոստացել, որ միայն նրա թանկարժեք խաթեր համար է, որ հենց նույն պահին չի հրաժարվում ՀԱԿ-ից, այլ այդ մասին կհայտարարի ավելի ուշ:
Նկատենք, որ հայտարարելով ՀԱԿ-ից դուրս գալու իր վճռի մասին, պրն Շահնազարյանն, այնուամենայնիվ, խուսափեց կոնկրետ բացատրություններ տալ: Դա չարվեց նաեւ ՀԱԿ-ի ակտիվի կողմից, թեեւ հանուն այս կառույցի պահպանման ՙսուրբ՚ գործի, ՀԱԿ-ականները չխուսափեցին անգամ իրենց երբեմնի փոխլիդեր Արամ Զ. Սարգսյանին ՙպայթած իշխանական ական՚ որակել: Իսկ պրն Շահնազարյանից մի տեսակ հաշտ ու խաղաղ բաժանվեցին, թերեւս լավ հասկանալով, որ եթե նա սկսի խոսել, ապա հաշված օրերի ընթացքում բազում պատգամավոր ՀԱԿ-ականների իզն ու թոզն էլ չի մնա:
Ինչեւէ, հիշատակված լուրերը փորձեցինք ճշտել Դավիթ Շահնազարյանից, ակայն ստացանք արդեն ստանդարտ դարձած պատասխանը. ՙԱյս պահին դեռ լրատվամիջոց ներին ասելու բան չունեմ՚:

ՍԵՓ. ԼՐԱՏՎՈՒԹՅՈՒՆ


ԻՍԿ ԼՅՈՒԴՄԻԼԱ ՍԱՐԳՍՅԱՆԸ ՀԱԿ-ԻՑ ՉԻ ՀՐԱԺԱՐՎՈՒՄ

ՀԱԿ անդամ, ԱԺ պատգամավոր ԼՅՈՒԴՄԻԼԱ ՍԱՐԳՍՅԱՆԸ պատասխանելով մեր հարցին, թե ինչպե±ս է գնահատում Դավիթ Շահնազարյանի ՀԱԿ-ից հեռանալն ու ընդդիմության մասին բացասական հայտարարությունը, ասաց.
- Ես դա արդեն գնահատել եմ, եւ ասել ասուլիսի ժամանակ, ավելացնելու ոչինչ չունեմ, նորմալ եմ համարում իր այդ քայլը:
- Իսկ հնարավո±ր է, որ Դուք էլ լքեք ՀԱԿ-ը:
- Ո°չ:

ՀՐԱՆՏ ՍԱՐԱՖՅԱՆ


ԲՀԿ-Ն ԱՅԺՄ ՆՊԱՏԱԿԱՀԱՐՄԱՐ Է ԳՏԵԼ...

Երեկ ՏԻԳՐԱՆ ՈՒՐԻԽԱՆՅԱՆԸ հայտարարություն էր տարածել` 2008-10-ին տարբեր լրատվամիջոցներում հայտնված հրապարակումների արտատպումների մասին, որտեղ շոշափվում էր ԲՀԿ-ի անունը: Ի±նչն է պատճառը, որ նախընտրական շրջանում, երբ կրքերն է°լ ավելի շիկացած էին եւ անհամեմատ ավելի շատ էին տարբեր թվականների հրապարակումների արտատպումները,  ո°չ ԲՀԿ-ն եւ ո°չ էլ ՀՀԿ-ն, ինչպես նաեւ այլ ուժեր, գործնականում չէին արձագանքում, իսկ հիմա` փաստորեն արձակուրդային շրջանում, ԲՀԿ խոսնակն օպերատիվորեն արձագանքում է: Դրա վերաբերյալ պարոն Ուրիխանյանը պատասխանեց. ՙՃիշտն ասած նպատակահարմար եմ համարել արձագանքել ղեկավարիս պախարակող եւ ակնհայտորեն սուտ տեղեկություններ պարունակող ինֆորմացիայի հետ կապված՚:
Հիշեցնենք, որ նախկին խոսնակ Բաղդասար Մհերյանը խուսափում էր արձագանքելուց, երբ արձագանքելու առիթներն ավելի շատ էին:  

ԱՐՄԵՆՈՒՀԻ ՀԱԿՈԲՅԱՆ