ՙՙՙՀԱՅԱՍՏԱՆՈՒՄ ԱՐՋԵՐՆ ԷԼ ԵՆ ՙԲԵՍՊՐԵԴԵԼ՚

ՀԱՅԱՍՏԱՆՈՒՄ ԱՐՋԵՐՆ ԷԼ ԵՆ ՙԲԵՍՊՐԵԴԵԼ՚

Վայոց Ձորի Ելփին գյուղի բնակիչներն, արդեն մի քանի տարի է, գիշերներն անընդհատ վախի ու հուզմունքի մեջ են լուսացնում: Այդ վախը ավելի է սաստկանում հունիսից մինչեւ օգոստոս ընկած ժամանակահատվածը: Պատճառը արջերն են, որոնք գրեթե ամեն գիշեր այցելում են գյուղ:
Ինչպես տեղացիներն են նշում. ՙԱրջերն ու իրենց քոթոթները դարձել են մեր գյուղի գիշերային անկոչ հյուրերը՚: Նրանք կոտրում են ծառերը, հոշոտում ընտանի կենդանիներին, ջարդում նկուղների դռները, հափշտակում մեղվաբները: Արջերիª գյուղին հասցրած վնասների մասին ավելի ստույգ տեղեկատվություն ստանալու նպատակով զրուցեցինք տեղի գյուղապետարանի աշխատակազմի ղեկավար ԺՈՐԱ ՆԵՐՍԻՍՅԱՆԻ հետ, ով, մասնավորապես, նշեց.
- Արջերն արդեն մի քանի տարի դարձել են համար մեկ խնդիրը գյուղում: Նրանք գյուղի վրա հարձակվում են գիշերային ժամերին, այն էլª ոչ մեկ կամ երկու տեղերից. ամբողջ գյուղը փակում են: Վերջին անգամ հարձակվել են երկու օր առաջ, որի հետեւանքով գյուղի բնակիչների մեծ մասին հասցվեց ահագին վնաս: Էդ անխիղճները գետնին էին հավասարեցրել բալի, կեռասի հսկայական ծառեր, հոշոտել էին շուրջ 7 գլուխ ոչխար, մի այդքանին էլª վիրավորել: Մեղուներին էին վնաս  տվել, ահագին ծիրանենիներ են ոչնչացրել, երկու հորթ են կերել, արտերի մասին էլ չեմ ասում: Ու այդ հարձակումներն անընդհատ շարունակվում են:
Ինչքան էլ դիմել ենք արտակարգ իրավիճակների, բնապահպանության նախարարություններ, մարզի գյուղվարչությանը, մեկ է` օգուտ չունենք: Ասում ենª ձեր սեփականությունն է, դուք էլ պաշտպանեքª ինչ գնով ուզում եք: Բնակիչներն էլ, եթե նույնիսկ օրինական հրացան էլ ունեն, վախենում են դուրս գան արջի դեմ, կրակեն: Այդ հարցում գյուղացիներն անպաշտպան են: Արջերն էլ արդեն սովորել ենª մեղվաընտանիքներից մեղր տանեն, գյուղացու բերքն ու բարիքը վայելեն: Մեզ էլ ճիշտ հասկացեք, այնքան բերք ու բարիքի վնասի համար չենք անհանգստանում, ինչքան բնակիչների անվտանգության: Այսքան ասում-խոսում ենք, բայց ոչ մեկից ոչ մի օգնություն չենք ստանում, իսկ համապատասխան օգնություն ցույց տվող մարմիններն էլ համառորեն լռում են:
Խոսեցինք նաեւ այն ընտանիքների հետ, որոնք ակամայից դարձել են արջերի հասցրած վնասների զոհը:
-Է¯, ո±րն ասեմ: Ոնց որ անտեր գյուղում ապրենք: Արջը մտել է գյուղ, գոմի դուռը ջարդել է, երկու հորթին խեղդամահ արել: Հետո իր համար հանգիստ մտել է ցորենի արտերը եւ ոտնատակ արել ամբողջ տարվա տանջանքը, մեր նախատեսած ձմեռվա պահուստը:
Իսկ մեկ ուրիշըª Քաջիկը, պատմեց.
- Մտել են ամբողջ բաղ ու բաղչեն իրար խառնել ու գնացել: Պատմելու, ասելու բան չի, որ ասեմ: Ամբողջ տարին դառը քրտինք ենք թափում, որ արջը մի րոպեում գա վատնի ու գնա:
Վոլոդյան էլ այսպես նկարագրեց արջի ՙքաջագործությունները՚.
- Էդ արջերը էն են անում, որ ոչ մեկը չի կարող անել: Դարձել են էն ժողովուրդը, ոնց են ասումª ՙբեսպրեդել՚ կենդանիները: Դրանց դեմ ոչ մեկս չենք կարում: Գիշերը մտել ենª քանի գլուխ ոչխար սաղ-սաղ մորթել, կերել ու գնացել:
Փորձեցինք կապվել  ԱԻՆ ծառայություն, որտեղից մեզ պատասխանեցին.
- Ոստիկանությանը եւ տեղի մարզպետարանին տեղյակ է պահվել: Մենք էլ մեր կողմից ամեն ինչ անում ենք, որպեսզի կանխվի արջերի մուտքը գյուղ:

Պատրաստեց  ԻԼՈՆԱ ԱԶԱՐՅԱՆԸ