Երեկ հայաստանյան երեք թիմեր անցկացրեցին իրենց մեկնարկային հանդիպումները Եվրոպա լիգայում: Շատերի կարծիքով` մեր բոլոր թիմերն էլ հաջորդ փուլ դուրս գալու հնարավորություն ունեն, քանի որ խաղում են, մեղմ ասած, ոչ այնքան ուժեղ թիմերի հետ:
Երեւանի ՙՓյունիկի՚ մրցակիցը Հանրապետական մարզադաշտում Չեռնոգորիայի ՙԶետա՚ ակումբն էր, իսկ ահա Գյումրիի ՙՇիրակը՚ մրցակցի հարկի տակ խաղում էր մեկ այլ չեռնոգորիական ակումբի` ՙՌուդարի՚ հետ: Ինչպես, համոզված ենք, ֆուտբոլասերը տեսավ, ՙՓյունիկը՚ ոչնչով աչքի չընկավ հատկապես երկրորդ խաղակեսում, իսկ առաջին խաղակեսում նույնիսկ վտանգավոր պահեր ստեղծեց մրցակցի դարպասի մոտ: Ինչ որ է, կարեւորը արդյունքն է, իսկ մեր թիմը սեփական հարկի ներքո զիջեց 0:3 հաշվով եւ գործնականում դուրս մնաց հետագա պայքարից: Հիշեցնենք, որ պատասխան հանդիպումները կայանալու են մեկ շաբաթ անց: Չնայած մեկնաբանն անընդհատ կրկնում էր, որ մեր թիմի կազմում երիտասարդներ են, սակայն մեզ թվում էր, որ ոչ թե երիտասարդներ, այլ թոշակառուներ են, ովքեր անկիրք ու անիմաստ վազվզում էին խաղադաշտում: Իր երկրպագուներին ուրախացրեց ՙՇիրակը՚, որը մրցակցին նրա հարկի ներքո հաղթեց 1:0 հաշվով: Եվ պատահական չէր, որ Հանրապետական մարզադաշտում խաղավերջում ֆուտբոլասերները ՙՇիրակ՚ էին վանկարկում: Իսկ Կապանի ՙԳանձասարը՚ հասել էր Ֆարերյան կղզիներ` խաղալու տեղի ՙՍտրեյմուր՚ ակումբի հետ եւ պարտվեց 1:3 հաշվով: Ռ. Թ.
1
10041 դիտում
2
7162 դիտում
3
2258 դիտում
4
2225 դիտում
5
2109 դիտում
